Sansar News- Nepal's Fast Khabar Online News Portal

कविताः इच्छा

अनन्त अर्याल,वालिङ-१४, स्याङ्जा
१ महिना पहिले
कविताः इच्छा

निलो आकाश
अञ्जुलीमा राखी
घुटुक्क निल्दै,
कोमल पयर
निलो समुद्रमा चोपी
बुद्धका पाइतालाले
शान्तिको गीत रचूँ ।

पुर्णेको बेदागी चादनीलाई,
पिपलपाते लालीमा ओठको
छाप लगाई,
प्यारको ताजमहलमा
फन्को लाउदै,
पूजा गर्दै–
प्रेम र सहअस्तित्वको
सँसारमा रमाऊँ ।

सप्तरङ्गी
इन्द्रधनुषले जस्तै
आकाश र पृथ्वीलाई
साक्षी राखी
बादलको घुम्टोभित्र
सुटुक्क सूर्यसँग सहवास गरी
अर्को पृथ्वी जन्माऊँ,
समताको पृथ्वी,
स्वच्छताको पृथ्वी,
प्रकृतिको पृथ्वी ।

यो पुस्ताको उपलब्धि
जतनसाथ
सँग्राहलयमा भण्डारण गरी,
बिना नोक्सानी
मानिसले
जित हासिल गरेको
घोषणा सभामा,
समुद्र,मैदान र पहाडको
रङ्गीन पताका र तुलीभित्र,
विजयोत्सव मनाई
उन्मादिलो नाच नाँचू,
जसै
शङ्कर नाच्छन् ताण्डव नृत्य ।

बालकले कोर्दै गरेको
रङ्ग भर्दैगरेको,
फुलको आकृतिभित्र
पिकासोको कला,
दा भिन्चीको दृष्टि
प्रक्षेपण गर्दै,
रङ्गीन होइन साधा
सुनौलो सँसार रच्दै,
फरक
विल्कुल फरक
यात्रामा
एकीकृत ,लामबद्द हूँ ।

डमरु बघिनीको काखमा खेलेझैँ,
निर्भयले छहराझैँ
हामफाल्न ,
मृग सावकझैँ
बुर्कुसी मार्न ,
औषधि,
इन्जेक्सन ,
भ्याक्सिन देखिटाढा,
बिना भिटामिन हर्लक्क बढ्ने
ती जङ्गली जन्तुझैँ
सादगी हूँ,
अनि
आफ्नै पखेटाले
चराहरुले जस्तै धर्ती र पृथ्वीलाई
समन्वय गरूँ ।

शास्त्र ती पूर्व

पश्चिमका
सार अमृत
एकै घुट्कोमा घुटुक्क निली
हलुका हूँ,
अनि
आवश्यकतामा
निर्बाध मानवकल्याणमा लगाउन सकूँ ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ४ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो २ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ४ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

१ महिनामा पूनर्बीमाको सम्पत्ती ५ गुणाले बढ्यो

१ महिनामा पूनर्बीमाको सम्पत्ती ५ गुणाले बढ्यो २ दिन पहिले | संसार न्यूज़

२८ असार, काठमाडौं । नेप्सेमा सूचीकरण भएको १ महिनामा नेपाल…