९ असार, काठमाडौँ । इंल्याण्ड भ्रमणको तयारीमा रहेका पाकिस्तानका तीन खेलाडीमा कोरोना संक्रमण पुष्टि भएको छ । कोरोना संक्रमण पुष्टि भएको खेलाडीहरु ह्यारिस रउफ, शादब खान र हैदर अली रहेका छन ।
कोरोना भाइरसका लक्षण देखिएपछि ह्यारिस रउफ, शादब खान, हैदर अलि, इमाद वासिम र उस्मान सिनवारीको राउलपिण्डीमा कोरोना परिक्षण गरिएको थियो । इमाद वासिम र उस्मान सिनवारीको भने कोरोना रिर्पोट नेगेटिभ आएको छ । उनीहरुमा कोरोना संक्रमण पुष्टि भएको जानकारी पाकिस्तान क्रिकेट र्बोड आफैँ दिएको हो ।
कराची, लाहोर र पेशावरमा अरु पाकिस्तानी खेलाडीहरुको पनि कोरोना परिक्षण गर्न दिएको छ । उनीहरुको रिर्पोट भने आएको छैन ।
पाकिस्तान क्रिकेट टिम २८ जुनमा इंल्याण्ड जाने छन । पाकिस्तान क्रिकेट टिम र इंल्याण्ड क्रिकेट टिम बिच ३ खेलको टेस्ट श्रृखला र ३ खेलको टि-२० श्रृखला हुने छ । पाकिस्तानले ३० जुलाईमा इंल्याण्ड विरुद्ध पहिलो टेस्ट खेल्दैँ श्रृखलाको सुरुवात गर्ने छ ।
वि.सं.२०७७ असार ९ मंगलवार ११:३१ मा प्रकाशित