Sansar News- Nepal's Fast Khabar Online News Portal

बालुवाटारमै भएको स्थायी कमिटी बैठकमा किन गएनन् ओली ?

संसार न्यूज़
२ हप्ता पहिले
बालुवाटारमै भएको स्थायी कमिटी बैठकमा किन गएनन् ओली ?

१२ असार, काठमाडौं । सत्तारुढ नेपाल कम्युनिष्ट पार्टी (नेकपा)को स्थायी समितिको दोस्रो दिनको बैठकमा प्रधानमन्त्रीसमेत रहेका नेकपा अध्यक्ष केपि शर्मा ओली उपस्थिति छैनन् । प्रधानमन्त्री निवास बालुवाटारमै जारी बैठकको नेतृत्व कार्यकारी अध्यक्ष पुष्पकमल दाहाल ‘प्रचण्ड’ले गरिरहेका छन् ।

प्रधानमन्त्रीका प्रेस सल्लाहकार सुर्य थापाले जनाएअनुसार प्रधानमन्त्री ओली राजकीय कार्य व्यस्थताका कारण उपस्थित नभएका हुन् । थापाले जनाएअनुसार बैठकमा आवश्यक पुरेको जुनसुकै बेला पनि प्रधानमन्त्री ओलीको उपस्थिति रहनेछ ।

‘प्रधानमन्त्रीको ज्यूको निर्धारित कार्यव्यवस्थाले गर्दा बैठकमा उपस्थिति नभएको हो, बैठक निरन्तर गर्ने तर आवश्यक परेमा जुनसुकै बेला जाने भन्ने छ’, संसार न्यूजसँग कुराकानी गर्दै प्रधानमन्त्रीका प्रेस सल्लाहकार थापाले भने, ‘अहिले उहाँ अरु भेटघाटमा हुनुहुन्छ, सल्लाहबाटै उहाँ बैठकमा नजानु भएको हो ।’

थापाले बैठकमा देखिएको विवादबाट पर भाग्न अनुपस्थिति भएको भन्ने चर्चा साँचो नभएको दाबी गरे । थापाले भने, ‘प्रधानमन्त्री ज्यू पार्टीको एक नम्बर अध्यक्ष हो । उहाँले नै बैठक बोलाउनु भएको हो । बैठकमा आएका सबै प्रश्नको जवाफ मुख्य नेतृत्वको हिसाबले उहाँले नै दिनुहुन्छ । सबै सदस्यका कुराहरु उहाँले नै सुनुहुन्छ । अरु कामको व्यस्थताले मात्रै उहाँ उपस्थिति नहुनु भएको हो ।’

थापाले बताएअनुसार बैठकमा उपस्थित नभएका ओलीले आफ्नै कक्षबाट बैठकका कुरासमेत प्रत्यक्ष सुनिरहेका छन् । यसअघि भएको केन्द्रिय कमिटीको बैठकमा पनि ओलीको उपस्थिति न्यून थियो ।

बैठक छल्न खोजेको आरोप

शुक्रबारको बैठकमा यसअघि तय भएका एजेण्डामा केन्द्रीत रहेर छलफल हुँदैछ । आजको बैठकमा वरिष्ठ नेता झलनाथ खनाल, माधव नेपाल, प्रवक्ता नारायणकाजी श्रेष्ठ, उपाध्यक्ष वामदेव गौतम, सचिवालय सदस्यहरु ईश्वर पोखरेल, रामबहादुर थापा र महासचिव विष्णु पौडेल लगायत नेताहरुले बोल्ने कार्यक्रम छ ।

बुधबारको बैठकमा अध्यक्षद्वयले आफ्नो मन्तव्य राखेसँगै बैठक सकिएको थियो । बैठकमा अध्यक्षद्वयबीच तीब्र घोचपेच भएको थियो । शुक्रबारको बैठकमा नेताहरुका बीचमा चर्काचर्की बहस हुने अनुमान गरिएको थियो ।

जनाइएअनुसार आजको बैठकमा केहि नेताहरुले ओलीको राजीनामा माग्ने तयारीसमेत गरिरहेका थिए । तर, प्रधानमन्त्रीसमेत रहेका पार्टी अध्यक्ष ओलीको अनुपस्थितसँगै बैठकमा उपस्थित केहि नेता भने अलमल परेका छन् । नेताहरुले प्रधानमन्त्री निवासमै बसिरहेको बैठकमा राजकीय व्यवस्था देखाएर नआउनुलाई बैठक छलेको आरोप लगाएका छन् ।

सर्बाधिक पढिएको

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन्

हाँसीखुसी विवाह मण्डपबाट विदा गरेकी छोरीले जब दुलाहाको घर नपुग्दै आत्महत्याको बाटो रोजिन् ३ हप्ता पहिले | संसार न्यूज़

२ असार, काठमाण्डौं । हाँसी खुसी विवाहको मण्डपबाट विदा भएकी…

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो

आज १४६२ जनाले कोरोनालाई जितेर घर फर्किए, निको हुनेको संख्या ४६५६ पुग्यो १ हप्ता पहिले | संसार न्यूज़

१७ असार, काठमाण्डौं । नेपालमा पछिल्लो २४ घण्टामा १,४६२ जना…

वलिउड  नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा

वलिउड नायक सुशान्तले आत्महत्या गरेसँगै अभिनेत्री वर्षाले गरिन् आफ्नो बारे यस्तो खुलासा ३ हप्ता पहिले | संसार न्यूज़

वलिउडका अभिनेता सुशान्त सिंह राजपुतले आत्महत्या गरेसँगै सामाजिक सन्जालहरुमा दुईथरी…

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ?

आज पनि ८२३ जना कोरोना संक्रमणबाट निको भएर घर फर्किए, हेर्नुहोस् कुन प्रदेशमा कति निको भए त ? ७ दिन पहिले | संसार न्यूज़

१९ असार, काठमाण्डौं । नेपालमा कोरोना संक्रमणबाट ८२३ जना मुक्त…