१७ असार, काठमाडौं । यहि असार २५ गतेदेखि अजोड इन्स्योरेन्सले प्राथमिक कित्ता सेयर निस्कासन गर्ने भएको छ । २०७५ सालबाट औपचारिक सेवा प्रबाह सूरु गरेको यो नयाँ बीमा कम्पनी हो । प्राथमिक कित्ता सेयर निस्कासन गर्ने यो कम्पनी बीमा क्षेत्र कै पहिलो हुने भएको छ ।
यस अघि असार ७ गते नै नियामक निकाय धितोपत्र बोर्डले उसलाई सेयर निस्कासनको लागि स्विकृति दिएको थियो ।
चुक्ता पूँजी १ अर्ब रहेको कम्पनीले त्यसको ३० प्रतिशत अर्थत ३० करोड रुपैंयाँ बराबरको ३० लाख कित्ता सेयर निस्कासन गर्न पाउँछ । एनआईबीएल एस क्यापिटललाई उसले सेयर निस्कासन तथा बिक्रि प्रबन्धकमा नियुक्त गरेको छ ।
उसले निस्कासन गर्न पाउने ३० लाख प्राथमिक सेयर मध्ये कर्मचारीको लागि १ लाख २० हजार कित्ता, सामुहिक लगानी कोषको लागि १ लाख ५० हजार कित्ता आरक्षण हुन्छ भने बांकी २७ लाख ३० हजार कित्ता सेयर सर्बसाधारणको लागि खुल्ला हुने छ ।
यो कम्पनीमा भाटभटेनी समूहको सबैभन्दा बढी २१.९९ सेयर स्वमित्व रहेको छ ।
वि.सं.२०७७ असार १७ बुधवार ११:५७ मा प्रकाशित