Sansar News- Online for Global Nepali

किसानमाथिको दमन बन्द गर्न किसान यूनियनको आग्रह

संसार न्यूज़
६ महिना पहिले
किसानमाथिको दमन बन्द गर्न किसान यूनियनको आग्रह

२१ असार, काठमाडौँ । अखिल नेपाल किसान यूनियनले किसानहरुमाथिको दमन बन्द गर्न आग्रह गरेको छ ।

युनिएनका अध्यक्ष लोकनारायण सुबेदीद्वारा जारी विज्ञप्तीमा ललितपुर खोकनाका किसानहरुमाथिको दमन बन्द गर्न माग गर्दै किसानबाट अधिकरण गरिने जग्गाको उचित मुआबजा तोक्न आग्रह गरिएको छ ।

त्यस्तै विज्ञप्तिमा देशमा कारोना भाइरसको फैलिदो प्रकोपले पिरोलिरहेको बेला मनसुनी बर्षा शुरु भएसँगै अबिरल बर्षाका कारण देशका बिभिन्न जिल्लामा पहिरो र बाढीले कतिपय किसान परिवारले ज्यानै गुमाएका, कतिपय बेपत्ताको स्थितिमा रहेको र कयौ घाइते भएको तथा धनजनको ठूलो क्षति भएको स्थितिप्रति गहिरो दुःख ब्यक्त गरिएको छ ।

खाशगरी पश्चिम नेपालका बझाङ्ग, पाल्पा, गुल्मी, स्याङ्गजा, गोर्खा, लमजुङ्ग, सल्यान र दार्चुल जिल्लाहरुमा यो प्राकृतिक बिपत्तीमा परेका परिवारलाई आवश्यक राहत र क्षतिपूर्ति दिन पनि यूनियनले जोडदार माग समेत गरेको छ ।

अखिल नेपाल किसान यूनियनद्वारा जारी विज्ञप्ती यस्तो छ :

किसानको जीवन रक्षा गर, उचित मुआबजा देऊ !

देशमा कारोना भाइरसको फैलिदो प्रकोपले पिरोलिरहेको बेला मनसुनी बर्षा शुरु भएसँगै अबिरल बर्षाका कारण देशका बिभिन्न जिल्लामा पहिरो र बाढीले कतिपय किसान परिवारका दुइ दर्जन जति दिदी बहिनी तथा दाजुभाइले जीवननै गुमाएको, कतिपय बेपत्ताको स्थितिमा रहेको र कयौ घाइते भएको तथा धनजनको ठूलो क्षति भएको स्थितिप्रति अखिल नेपाल किसान यूनियन गहिरो दुःख ब्यक्त गर्दछ । ।

खाशगरी पश्चिम नेपालका बझाङ्ग,पाल्पा, गुल्मी, स्याङ्गजा, गोर्खा, लमजुङ्ग, सल्यान र दार्चुल जिल्लाहरुमा यो प्राकृतिक बिपत्तीमा परेका परिवारलाई आवश्यक राहत, र क्षतिपूर्ति दिन राज्यसँग अखिल नेपाल किसान यूनियन जोडदार माग गर्दछ । घाइते किसानहरुको शिघ्र स्वास्थ्य लाभको कामना गर्दछ । साथै बाढी पहिरोको उच्च जोखिम रहेका जिल्ला र क्षेत्रहरुका किसान दिदी बहिनी दाजुभाइहरुको जीवन रक्षा गर्ने सबै उपाय गर्न र आवश्यकत सतर्कता अपनाउन पनि किसान यूनियन जोडदार माग गर्दछ ।

यसैगरी ललितपुर खोकनाका किसानहरुले कृषि भूमि र प्राचीन सभ्यताको रक्षाको मागलाई समर्थन गर्दै सरोकारवाला किासनहरुको सक्रिय सहभागिता, सम्मपित र रोहभरमा मात्र किसानबाट अधिकरण गरिने जग्गाको उचित मुआबजा तोक्न र यसको माग गर्ने किसानहरुमाथिको दमन बन्द गर्न पनि अखिल नेपाल किसान यूनियन राज्यसँग जोडदार माग गर्दछ ।

लोकनारायण सुबेदी अध्यक्ष
अखिल नेपाल किसान यूनियन
२१ असार २०७७

 

सर्बाधिक पढिएको

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ३ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ५ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली २ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना ३ हप्ता पहिले | संसार न्यूज़

१४ पुस, काठमाडौं । नेपाल प्रहरीले कार्यालय सहयोगी पदमा उम्मेदवार…