Sansar News- Nepal's Fast Khabar Online News Portal

यस्तो छ तपाईको आज (बुधबार) को राशिफल, आज यी राशिका व्यक्ति हुनेछन् लाभान्वित

संसार न्यूज़
४ हप्ता पहिले
यस्तो छ तपाईको आज (बुधबार) को राशिफल, आज यी राशिका व्यक्ति हुनेछन् लाभान्वित

मेष -चु, चे, चो, ला, लि, लु, ले, लो, अ
प्रयत्न गर्दा राम्रो उपलब्धि हातलागी हुनेछ । रोकिएको काम बन्नेछ भने जिम्मेवारी बढ्न सक्छ । व्यापारमा प्रशस्त फाइदा हुनेछ। विशेष भेटघाटले काममा उत्साह बढाउला । सामाजिक दायित्व हातलागी हुनेछ । मध्याह्नपछि श्रमको उचित मूल्यांकन हुनेछ भने प्रतीक्षा गरिएको लाभांश प्राप्त हुनेछ । अरूलाई प्रभावित पारेर फाइदा उठाउन सकिनेछ । दाम, इनाम र प्रतिष्ठा प्राप्त हुनेछ ।

बृष-इ, उ, ए, ओ, बा, बि, बु, बे, बो
परिस्थितिवश विवादास्पद जिम्मेवारी वहन गर्नुपर्ला । कामको चाप बढ्नेछ भने शरीरमा थकान महसुस हुनेछ । अरूको बारेमा चासो लिँदा व्यर्थै झमेला बढ्न सक्छ । उपलब्धिका लागि केही समय प्रतीक्षा गर्नुपर्ला। चुनौती देखिए पनि स्थितिलाई सहज बनाउन सकिनेछ । साँझतिर स्थितिमा सुधार आउनाले अधुरो काम बन्नेछ । शुभचिन्तकहरूको साथ जुट्नाले नयाँ काम पनि सुरु हुनेछ ।

मिथुन -का, कि, कु, घ, ङ, छ, के, को, ह
कामको चाप बढ्नेछ । प्रक्रिया नपुग्नाले बनिसकेको काम दोहोर्याउनुपर्ने हुन सक्छ । अवसरका लागि केही दौडधुप गर्नुपर्ला। समस्या दर्साउँदा शुभचिन्तकहरूले साथ दिनेछन् । काम पूर्ण नभए पनि मिहिनेतले लाभ दिलाउनेछ । प्रतीक्षा गरिएको उपलब्धि मध्याह्नपछि प्राप्त हुनेछ । व्यापारतर्फ पनि दिगो फाइदाको काम बन्नेछ । कीर्तिमानी काम बन्नाले मूल्यवान् वस्तु लाभ हुन सक्छ ।

कर्कट- हि, हु, हे, हो, डा, डि, डु, डे, डो
साथीभाइको सहयोगले काममा हौसला जाग्नेछ । रमाइला क्रियाकलापमा सहभागी बन्ने अवसर जुट्नुका साथै मान–सम्मान प्राप्त हुने समय छ । प्रेम र मित्रताको बन्धन कसिलो हुनेछ। सुन्दर पहिरनले व्यक्तित्वमा निखारता आउनेछ । मनग्गे अर्थ लाभ पनि हुनेछ । मध्याह्नपछि स्वास्थ्यमा कमजोर हुनाले काम रोकिन सक्छ । खर्च लागे पनि आयस्रोत सबल हुनाले आवश्यकता पूरा हुनेछ ।

सिंह- मा, मि, मु, मे, मो, टा, टि, टु, टे
प्रतिस्पर्धामा उत्रनुपरे पनि विभिन्न अवसर प्राप्त हुनेछन् र मनग्गे लाभ हुनेछ । भौतिक साधन जुट्नाले दिगो फाइदा हुने काम सुरु हुनेछ । परिस्थितिको अनुकूलताले प्रतिष्ठा जोगाउन सफल भइनेछ । मेहनतले प्रतिस्पर्धाको दौड जिताउन सक्छ । यात्राको प्रक्रिया अघि बढ्नेछ । पुरुषार्थी काम सिद्ध गर्ने समय छ। साँझतिर प्रियजनसँग भेटघाट हुनेछ । प्रेम र मित्रताको बन्धन कसिनेछ ।

कन्या -टो, प, पि, पु, ष, ण, ठ, पे, पो

प्रतीक्षित नतिजा कमजोर देखिनाले नयाँ काममा अलमल हुनेछ । परिस्थितिसँग सम्झौता गर्नुपर्दा लक्ष्य प्राप्त गर्न केही विलम्ब हुनेछ । तापनि मिहिनेत गर्दा उपलब्धि हातलागी हुनेछ । मध्याह्नपछि स्थितिमा सुधार आउनेछ भने सुखद समाचारले उत्साह जगाउनेछ । मेहनतले प्रतिष्ठित काम सम्पादन गर्ने मौका दिलाउनेछ। कृषि क्षेत्रबाट लाभ मिल्नेछ । प्रतिस्पर्धामा अग्रस्थान हासिल गर्न सकिनेछ ।

तुला -र, रि, रु, रे, रो, ता, ति, तु, ते
साथीभाइसँग सम्बन्ध चिसिनाले समस्या उत्पन्न होला । काम बिग्रने डरले सताउनेछ । बेसुरमा दिइएको वचनले पनि समस्या निम्त्याउन सक्छ । अरूको फाइदाका लागि उपयोग भइनेछ । महत्त्वपूर्ण योजना तत्काल सार्वजनिक नगर्नुहोला । मध्याह्नपछि विवादास्पद जिम्मेवारी वहन गर्नुपर्ला । स्वास्थ्यबाधा हुनाले काममा लामो समय जुट्न नसकिएला । बुद्धिको उपयोगले मात्र लाभ दिलाउनेछ ।

बृश्चिक- तो, ना, नि, नु, ने, नो, या, यि, यु
साहसी काम गरेर अरूको मन जित्न सकिनेछ । प्रतीक्षित नतिजाले पनि उत्साह जगाउनेछ । व्यावसायिक काममा राम्रै फड्को मार्न सकिनेछ । कामको उच्च मूल्यांकन हुनेछ भने लगनशीलताले विशेष अवसर दिलाउनेछ। रोकिएका काम बन्नुका साथै नयाँ काम प्रारम्भ हुनेछ । मध्याह्नपछि भने आफन्तसँग विवाद हुने र काममा धोका पाइने सम्भावना देखिन्छ । मनको डरले सताउन सक्छ ।

धनु – ये, यो, भ, भि, भु, ध, फा, ढ, भ
प्राथमिकताका आधारमा काम गर्न नसक्दा पछि परिनेछ । बोली–व्यवहारमा अलि सजग रहनुपर्ला । सावधान नहुँदा हातबाट लक्ष्मी बाहिरिने सम्भावना देखिएकाले कर्जा र उधारो व्यापारमा चनाखो रहनुपर्नेछ । मध्याह्नपछि आयस्रोत बढ्नुका साथै दिगो फाइदा हुने काम सुरुवात हुनेछ । नियमित काममा साबिकजस्तै फाइदा भइरहनेछ । आलोचकहरूलाई व्यवहारले समेट्ने प्रयास गर्नुहोला ।

मकर- भो, ज, जि, खि, खु, खे, खो, गा, गि
ठूला व्यक्तिहरूसँग मतभेद रहनेछ । अवसर जुटे पनि ठूलो उपलब्धि हातलागी नहुने देखिन्छ । विवादास्पद कामको जिम्मेवारी आउनाले केही समस्या आइपर्ला । आवेशको निर्णयले काम बिग्रन सक्छ । तापनि बाहिर आलोचना गर्नेहरूले व्यवहारमा अवसर प्रदान गर्नेछन् । परिस्थितिवश सामान्य काममा बढी अलमल हुनेछ । साँझतिर वादविवादले समस्या निम्त्याउन सक्छ, सजग रहनुहोला ।

कुम्भ -गु, गे, गो, सा, सि, सु, से, सो, द
अपिरिचित व्यक्तिको विश्वास गर्दा धोका हुनेछ । भैपरी आउने खर्च बढ्नुका साथै अर्थअभाव देखापर्न सक्छ । व्यवसायमा लगानी बढाउनुपर्ने स्थिति आउनेछ । खर्च लागे पनि लामो यात्रा सम्भावना छ । टाढाका साथीभाइसँग सम्पर्क बढाउने समय छ । मध्याह्नपछि आफन्तसँग भेटघाट हुनुका साथै स्वादिष्ट खानपानको आनन्द प्राप्त हुनेछ । स्वास्थ्य र सुमधुर सम्बन्धका लागि सजग रहनुहोला ।

मीन -दि, दु, थ, झ, ञ, दे, दो, च, चि
व्यापार, साझेदारी र सट्टापट्टामा लाभ मिल्नेछ । श्रमको उचित मूल्यांकन हुनेछ। सञ्चित धनको उपयोगले फाइदा हुनेछ । प्रयत्न गर्दा सजिलै लक्ष्यमा पुग्न सकिनेछ । प्रतीक्षा गरिएको काम बन्नेछ । मध्याह्नपछि खर्चको मात्रा बढ्नेछ । खाँचो टार्न कर्जा समेत लिनुपर्ला । धनमाल बाहिरिने समय रहेको हुँदा सतर्कता अपनाउनुपर्नेछ । परिस्थितिवश आफन्तबाटै टाढिनुपर्ने अवस्था आउन सक्छ ।

वि.सं. २०७७ असार २४ बुधवार (इ.स. २०२० जुलाई -८)
उपप्रा. लक्ष्मीप्रसाद बराल (फलितज्योतिषाचार्य) ९८४१३५२१६४

कस्तो छ त हेर्नुहोस् तपाईको आज (मंगलबार) को राशिफल ?

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…