Sansar News- Online for Global Nepali

न्यौपाने र धिताललाई उत्कृष्ट कृषक पुरस्कार

संसार न्यूज़
७ महिना पहिले

२६ असार, जुम्ला । गुठीचौर गाउँपालिकाका दुईजना कृषक पुरस्कृत भएका छन् । व्यावसायिक रुपमा उत्कृष्ट कृषकलाई सम्मान गरिएको हो ।

गाउँपालिकाको कृषि शाखाले गाउँपालिका भित्रका एक जना पुरुष र एक जना महिला किसानलाई उत्कृष्ट किसानको रुपमा पुरस्कृत गरेको कृषि शाखा गुठीचौरका प्राविधिक सहायक उमेश न्यौपानेले बताए ।

पुरस्कृत हुनेमा गुठीचौर गाउँपालिका-५ धितागाउँका व्यावसायिक भैँसीपालन कृषक विष्णु धिताल र वडा नं ४ की स्याउ किसान ऐना न्यौपाने रहेका छन् । उत्कृष्ट कृषकलाई रु ११ हजार २२५ उपलब्ध गराएको हो । दुवै जनालाई गाउँपालिका अध्यक्ष हरिबहादुर भण्डारीले प्रमाणपत्रसहित नगद प्रदान गरी सम्मान गरेका हुन् ।

किसानलाई प्रोत्साहन गर्नका लागि यस्तो प्रकारको पुस्कार सरकारले गरेकोमा निकै प्रभावकारी भएको गुठीचौर गाउँपालिका प्रमुख धनप्रसाद पाण्डेले बताए । पछिल्ला समयमा किसानलाई पुरस्कृत गर्ने कार्यक्रमले उत्साहित बनाउँदै आएको छ । हरेक स्थानीय तहले यस्ता कार्यक्रमको निरन्तरता हुनुपर्ने किसानले बताएका छन् । आफूले गरेको मिहिनेतमा गाउँपालिकाले मूल्याङ्कन गरेकोमा खुशी व्यक्त गर्दै पुस्कृत भैँसीपालक किसान विष्णु धितालले धन्यवाद ज्ञापन गरे ।
उनले सरकारले राष्ट्रि«यस्तरमा समेत आफ्नो मूल्याङ्कन गर्ने आशा गरेको बताए ।

किसान धितालका ११ वटा भैँसी दूध दिने भैँसी छन् । उनको मासिक आम्दानी रु १० लाख रहेको छ । कोरोनाका कारण लकडाउने यो दुई महिनामा भने घाटा लागेको धितालले बताए ।

त्यस्तै स्याउ किसान ऐना न्यौपाने गाउँपालिकाको राम्रो स्याउ किसान भएको गाउँपालिकाले जनाएको छ ।

स्याउ किसान उपाध्यायको वार्षिक आम्दानी रु पाँच लाख रहेको छ ।

अहिले ३०० स्याउका बिरुवा रहेका र १५० बिरुवा स्याउ फल्ने गरेको कृषि शाखाले जनाएको छ । उत्कृष्ट किसानलाई जिल्लाले पनि पुरस्कृत गर्ने व्यवस्था गरेको छ ।

ती किसानमध्ये जिल्ला र प्रदेशमा पनि पुरस्कृत हुने व्यवस्था रहेको कृषि विकास कार्यालय जुम्लाका कृषि अधिकृत खेमराज शाहीले जानकारी दिए । रासस

सर्बाधिक पढिएको

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल १ हप्ता पहिले | संसार न्यूज़

४ माघ, काठमाडौं । युएईमा कार्यरत स्याङजाका डायमण्ड श्रेष्ठ र…

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु १ हप्ता पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि २ हप्ता पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सेनाको अ.क पदका लागि लोकसेवा परीक्षामा उर्तीण हुनेहरुको नामावली

यस्तो छ सेनाको अ.क पदका लागि लोकसेवा परीक्षामा उर्तीण हुनेहरुको नामावली ३ दिन पहिले | संसार न्यूज़

९ माघ, काठमाडौं । नेपाली सेनाको भर्ना छनौट निर्देशनालय कार्यरथी…