Sansar News- Nepal's Fast Khabar Online News Portal

फिप्नाद्धारा दैलेखका राउटे समुदायलाई खाद्यान्न वितरण

संसार न्यूज़
४ हप्ता पहिले
फिप्नाद्धारा दैलेखका राउटे समुदायलाई खाद्यान्न वितरण

२६ असार, काठमाण्डौं । आदिवासी जनजाति महासंघ अमेरिका (फिप्ना) ले दैलेखका राउटे समुदायलाई राहत स्वरुप खाद्यान्न वितरण गरेको छ ।

कोरोना भाइरसले विश्व आक्रान्त बनिरहेको अवस्थामा कोरोनालो प्रभावित अमेरिकाको न्युयोर्कमा रहेका नेपालीहरुमा राहत वितरणमा सक्रिय रहेको फिप्नाले नेपालमा पनि राहत वितरणको कार्यलाई तिब्रता दिएको छ ।

यसै सीलसीलामा महासंघले असार २५ गते दैलेखको गुराँस गाउँपालिकामा रहेका ५३ घर परिवार राउटे समुदायलाई खाद्यान्नसहित टेन्ट वितरण गरेको आदिवासी जनजाति महासंघ अमेरिकाका अध्यक्ष लोक चेम्जोङले जानकारी दिएका छन् ।

राहत वितरणका लागि समन्वयात्मक भूमिका खेलेर सहयोग पुर्याउने नेपाल आदिवासी जनजाति महासंघ दैलेख जिल्ला समन्वय समितिका अध्यक्ष खगेन्द्र पुन मगर, नेफिन गुराँस गाउँपालिका र समन्वयात्मक भुमिकाको लागी नेफिन केन्द्र साथै विदेश विभाग ईन्चार्ज गोविन्द छन्त्याल, गुराँस गाउँपालिकाका अध्यक्षप्रति महासंघले धन्यवाद ज्ञापन गरेको छ ।

महासंघले राजधानीका विभिन्न ठाउँमा सडकमा रहेका बालबालिका, बृद्धबृद्धा, अपांग तथा विपन्नहरुलाई खाना खुवाउने काम समेत गरिरहेको छ ।

उपत्यकामा ५ दिनदेखि प्रत्येक दिन ३०० जनालाई खाना वितरण गरीरहेको महासंघले जनाएको छ । यो कार्य एकसातासम्म गरिने अध्यक्ष चेम्जोङले जानकारी दिएका छन् ।  साथै उपत्यकामा रहेका घरबाहविहिनहरूलाई २० थान त्रिपाल समेत वितरण गरेको पनि अध्यक्ष चेम्जोङले जानकारी दिए ।

त्यसैगरी महासंघले सिराहा जिल्लाको कल्याणपुर नगरपालिका वडा . न १ का ६० घर मुसर समुदायलाई अषाढ २२ गते राहत वितरण गरेको छ ।

अषाढ २६ गते धनकुटाको लेउती कोरिडोरका ६५ परिवारलाई खाद्यान्न वितरण गरिसकेको छ भने मकवानपुरको राक्सिराँङ गाउँपालिका वडा न ५ मा आज राहत वितरण गरिदैछ । साथै सुनसरीको मधुवन कोशी टप्पु, कोशी गाउँपालिकाका ४० परिवार मजदुरहरूलाई असार २९ गते र तमोर कोरीडोरका माँझी समुदायहरूलाई खाद्यान्न राहत वितरण गरीने महासंघले बताएको छ ।

महासंघले दिएको जानकारी अनुसार प्रतिपरिवार २५ किलो चामल, २ किलो दाल, एक लिटर तेल र १ प्याकेट नुनका दरले खाद्यान्न वितरण गरीने छ ।

नेपाल आदिवासी जनजाति महासंघ अमेरीका ( फिप्ना) को आर्थिक सहयोग, नेपाल आदिवासी जनजाति महासंघ संघीय परिषद् सचिवालय काठमाण्डौ नेपालको समन्वयमा स्थानिय गाउँपालिका , स्थानिय संघसंस्थाहरू, नेफिन शाखाहरू, फोनिज केन्द्र तथा विभिन्न सामाजिक अभियन्ताहरूसंग सहकार्यमा राहत वितरणका काम गरिएको फिप्नाले जनाएको छ ।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…