Sansar News- Nepal's Fast Khabar Online News Portal

एनआरएनएले यो वर्षको भानुजयन्ती अनलाईन अन्तरक्रिया कार्यक्रम गरि मनाउने

संसार न्यूज़
४ हप्ता पहिले
एनआरएनएले यो वर्षको भानुजयन्ती अनलाईन अन्तरक्रिया कार्यक्रम गरि मनाउने

२६ असार, काठमाडौंं । गैरआवासीय नेपाली संघ (एनआरएनए) को भाषा,साहित्य, संस्कृति तथा सम्पदा प्रबर्द्दन समितीले यस वर्षको भानु जयन्ती तथा अन्तर्राष्ट्रिय नेपाली भाषा दिवस अनलाईनमार्फत् अन्तरक्रिया कार्यक्रम गरेर मनाउने भएको छ ।

विश्वव्यापी कोरोना भाइरस संक्रमणका कारण विश्व आक्रान्त बनिरहेको अवस्थामा समितिले यस वर्षको भानु जयन्ती समितिले संचालन गरिरहेको ‘प्रवासी प्रवाह साप्ताहिक अनलाईन साहित्यिक कार्यक्रम’ मार्फत एक विशेष परिसम्वाद एवं अन्तरक्रिया कार्यक्रम आयोजना गरी मनाउने निर्णय गरेको हो ।

‘यसवर्ष कोभिड–१९ को महामारीका कारण परिस्थिति प्रतिकूल रहेता पनि परिषद्को भाषा,साहित्य संस्कृति तथा सम्पदा प्रबर्द्धन संघले नेपाल प्रज्ञा प्रतिष्ठानसँग आपसी समन्वय र सहकार्य गरेर नेपाली भाषा,साहित्यको क्षेत्रमा काम गर्न सधैँ अग्रसर छ,’ ‘समितिका अध्यक्ष हिक्मत थापाद्धारा जारी गरिएको विज्ञप्तिमा भनिएको छ, ‘सोही अनुसार हामीले यस कार्यक्रमको प्रमुख अतिथिका रूपमा प्रतिष्ठानका उपकुलपति श्री डा. जगमान गुरुङज्यूलाई आमन्त्रण गरेका छौं । जसमा देश बिदेशका ख्याती प्राप्त नेपाली भाषा साहित्यसेवीहरु सहभागी हुनुहुनेछ ।’

यहि असार २९ गते परेको २०७ औं भानुभक्त आचार्यको जन्मजयन्तीलाई अनलाईनमार्फत विश्वव्यापी रूपमा मनाइदै गरेको जानकारी दिँदै समितिद्धारा जारी विज्ञप्तिमा भनिएको छ,

‘आदिकवि आचार्य नेपाली जातीयताका प्रतीक । एक नेपालीले बोलेको अर्को नेपालीले नबुझ्ने जमानामा संस्कृत रामायणलाई नेपालीमा अनुदित गरि नेपाली नेपालीबिच सहज सम्वादको आरम्भ गर्नु नै आदिकविको महान कार्य हो । गोरखाका तत्कालीन राजा पृथ्वीनारायण शाहले नेपाल एकीकरण गरेर आजको सिङ्गो नेपाल बनाउनु र आदिकवि आचार्यले संस्कृत रामायणले नेपालीमा अनुदित गरेर भाषाको एकीकरण गर्नु नेपाली इतिहासमा स्वर्णाक्षरले लेखिएको छ । आदिकवि आचार्य नेपाली साहित्य र भाषाको फाँटका त्यस्तै अजर,अमर छन् र रहिरहनेछन् । आदिकविले आधुनिक नेपालको भाषा,साहित्यको क्षेत्रमा पुरयाउनु भएको त्यही अतुलनीय योगदानको विश्वभर छरिएर रहेका गैरआवासीय नेपालीहरूको प्रतिनिधिमूलक संस्था गैर आवासीय नेपाली संघ,अन्तर्राष्ट्रिय समन्वय परिषद उच्च सम्मान गर्दछ ।

प्रवासमा छरिएर जहाँ बसे पनि मूलतः हामी नेपाली हौँ र हामीलाई एकै मालामा उन्ने माध्यम धागो नेपाली भाषा नै हो । हाम्रो भाषाको आफ्नै विशिष्ट मौलिकता र पहिचान छ । आधुनिक नेपाली भाषाका प्रथम सम्मानित कवि आदिकवि भानुभक्त आचार्यप्रति हामी सबैको विशिष्ट सम्मान रहेको छ । उहाँको योगदानले आज हाम्रो नेपाली भाषाको मौलिकपनलाई विश्वका कुनाकुनामा पुर्याएको छ । आज जहाँ नेपाली पुगेका छन् । त्यहाँ नेपाली भाषा, साहित्य र संस्कृति पनि सँगै विस्तार भएको छ । भाषा र साहित्यलाई भूगोलको कुनै सीमाले छेक्दैन भन्ने तथ्य नै नेपाली भाषाको विस्तार हुँदै गरेको आजको अवस्था हो । यसरी भाषा, साहित्य र संस्कृति जो हाम्रो पहिचानका धरोहर हुन् । यसको विस्तार, प्रबर्द्धन र सम्बर्द्धनका लागि जोडिनु भएका सबैप्रति गैरआवासीय नेपाली संघको तर्फबाट हामी आभार व्यक्त गर्न चाहन्छौं ।

आदिकवि आचार्यको जन्म विक्रम संवत १८७१ असार २९ गते तदनुसार सन् १८१४ जुलाई १३ तारिख का दिन तनहुँ जिल्लाको रम्घा भन्ने गाउँमा भएको हो । उहाँले संस्कृत भाषाको रामायणलाई सरल र जनजीब्रोमा झुन्डिने गरी नेपाली भाषामा लिपिवद्ध गरिदिनु भयो । जसका कारण संस्कृत भाषा नबुझ्नेहरूलाई पनि नेपाली मौलिक भाषामै रामायण पढ्ने र बुझ्ने अवसर प्राप्त भयो । तत्कालीन समयमा यसरी नेपाली भाषामा रामायणलाई सबैको लागि सहज बनाउन सक्नु नै सबैभन्दा महत्वपूर्ण कार्य हो । यस्तो महत्वपूर्ण योगदान गरेर अजर बन्नुभएका आदिकवि आचार्यको जन्म दिनलाई हामी नेपाली भाषीहरुले भानु जयन्तीको रुपमा विशेष कार्यक्रम आयोजना गरि मनाउँदै आइरहेका छौं ।

यसै सन्दर्भमा गैर आवासीय नेपाली संघले आदिकवि भानुभक्त आचार्यको जन्मदिनलाई अन्तर्राष्ट्रिय नेपाली भाषा दिवसका रुपमा मनाउन सुरू गरेको छ । गतवर्ष अमेरिकाको बोष्टनमा सम्पन्न यस संघको प्रथम नेपाली भाषा साहित्य सम्मेलनबाट असार २९ गते भानु जयन्तीको दिनलाई अन्तर्राष्ट्रिय नेपाली भाषा दिवस दिनको रूपमा समेत मनाउने र आदिकविको योगदानप्रति सम्मान गर्ने निर्णय गरेको हो । यस वर्ष कोभिड १९ को महामारीका कारण परिस्थिति प्रतिकूल रहेता पनि परिषद्को भाषा,साहित्य संस्कृति तथा सम्पदा प्रबर्द्धन समितिले संचालन गरिरहेको प्रवासी प्रवाह साप्ताहिक अनलाईन साहित्यिक कार्यक्रम मार्फत एक विशेष परिसम्वाद एवं अन्तरक्रिया कार्यक्रम आयोजना गरी यो दिवसलाई मनाउने निर्णय गरेको छ । संघले नेपाल प्रज्ञा प्रतिष्ठानसँग आपसी समन्वय र सहकार्य गरेर नेपाली भाषा,साहित्यको क्षेत्रमा काम गर्न सधैँ अग्रसर छ र सोही अनुसार हामीले यस कार्यक्रमको प्रमुख अतिथिका रूपमा प्रतिष्ठानका उपकुलपति श्री डा. जगमान गुरुङज्यूलाई आमन्त्रण गरेका छौं । जसमा देश बिदेशका ख्याती प्राप्त नेपाली भाषा साहित्यसेवी हरु सहभागी हुनुहुनेछ ।

हामी आदिकवि भानुभक्त आचार्यको जन्मदिनलाई भानु जयन्ती एवं अन्तरराष्ट्रिय नेपाली भाषा दिवसका रुपमा विभिन्न कार्यक्रम गरी मनाउँदै उहाँप्रति सम्मान व्यक्त गर्न र नेपाली भाषाको प्रबर्द्धनमा योगदान गर्न गैर आवासीय नेपाली संघका सबै क्षेत्र र राष्ट्रिय समन्वय समिति, देश देशावरमा छरिएर रहेका नेपाली संघ,संस्था र भाषा,साहित्यप्रेमी सबैलाई यसै विज्ञप्ति मार्फत हार्दिक अनुरोध गर्दछौं ।

आउनुहोस् आधुनिक नेपाली भाषा,साहित्यका अजर व्यक्तित्व आदिकवि आचार्यप्रति सबैले सम्मान गरौँ । हाम्रो पहिचानको आधार भनेको नै हाम्रो भाषा,साहित्य र संस्कृति हो यसको सम्बर्द्धन र प्रबर्द्धनका लागि हातेमालो गरौँ ।
आदिकवि भानुभक्त आचार्यप्रति हार्दिक श्रद्धासुमन ।’

हिक्मत थापा
अध्यक्ष, भाषा, साहित्य,संस्कृति तथा सम्पदा प्रबर्द्धन समिती । गैरआवासीय नेपाली संघ,अन्तर्राष्ट्रिय समन्वय परिषद ।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…