Sansar News- Nepal's Fast Khabar Online News Portal

नेपाल आदिवासी जनजाति महासंघ आईसीसीको तदर्थ समिति गठन, संयोजकमा मानबहादुर रानामगर

संसार न्यूज़
४ हप्ता पहिले
नेपाल आदिवासी जनजाति महासंघ आईसीसीको तदर्थ समिति गठन, संयोजकमा मानबहादुर रानामगर

असार २७ । नेपाल आदिवासी जनजाति महासंघ विभिन्न देशमा कार्यरत आदिवासी जनजातिहरुलाई समेट्ने उद्देश्यले अन्तर्राष्ट्रिय समन्वय समिति गठन गर्ने चरणमा अघि बढेको छ । यसैक्रममा अन्तर्राष्ट्रिय समन्वय समितिको तदर्थ समिति बनाइएको छ, जसको संयोजकमा अमेरिकामा रहेका मानबहादुर रानामगर चयन गरिएका छन् ।

विदेशस्थित महासंघको जुम बैठकले तदर्थ समिति बनाउँदै नेपाल आदिवासी जनजाति महासंघ अमेरिकाका निवर्तमान अध्यक्ष मानबहादुर रानामगरलाई संयोजक चयन गरेको हो ।

बैठकपछि जारी विज्ञप्तीमा जनाइए अनुसार समितिमा ११ सदस्यीय कार्यसमिति रहेको छ । जसअनससार समितिको सहसंयोजकद्वयमा किसन राई(हङकङ) र खुसी लिम्बू(बेलायत) रहेका छन् । समितिको सदस्य सचिव कतारका शिव भुजेल रहेका छन् ।

युगेल तेन्डुप शेर्पा(दक्षिण कोरिया), रश्मी थापामगर (क्यानडा), मणी थेवे(अस्ट्रिया), हेम गुरुङ(पोर्चुगल), विनोद पोमो(अमेरिका), कुमारबलामी(यूएई) र सुदर्शन थापामगर(अस्ट्रेलिया) समितिमा सदस्य रहेका छन् ।

गतवर्ष अक्टुबरमा काठमाडौंमा सम्पन्न प्रथम नेपाली आदिवासी जनजाति अन्तर्राष्ट्रिय सम्मेलनले अन्तर्राष्ट्रिय सञ्जाल बनाइने उल्लेख गरिएको छ । विभिन्न देशमा कार्यरत नेपाल आदिवासी जनजातिहरुलाई समेटेर एउटै सञ्जाल बनाउने उद्देश्यका साथ महासंघ जुटेको हो । उक्त सञ्जाल बनाउन विदेश विभाग प्रमुखलाई छ महिनाभित्र कार्यसम्पादन गर्ने जिम्मेवारी दिइएको थियो ।

सम्मेलनकै अवसरमा विभिन्न देशका महासंघका प्रतिनिधिहरुको बैठकले समेत छ महिनाभित्र विधान संशोधन नभए अन्तर्राष्ट्रिय समन्वयपरिषद् गठन गर्न सक्ने निर्णय गरेको विज्ञप्तिमा जनाइएको छ ।

अन्तर्राष्ट्रिय सम्मेलनको दौरानमा भएका निर्णय समीक्षा गर्न आयोजित जुम बैठकमा १३ देशका महासंघका अध्यक्षसहित २५ जनाको सहभागिता रहेको थियो । बैठकको संयोजन महासंघ बेलायतका महासचिव खुसी लिम्बूले गरेका थिए ।

सर्बाधिक पढिएको

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) २ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ३ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ३ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई

भदौ पहिलो सातादेखि परीक्षा लिन सक्ने गरी त्रिवि परीक्षाको अधिकार डिन कार्यालयलाई ३ हप्ता पहिले | संसार न्यूज़

५ साउन,काठमाडौँ । त्रिभुवन विश्वविद्यालयले आगामी भदौ पहिलो सातादेखि परीक्षा…