Sansar News- Nepal's Fast Khabar Online News Portal

कोरोना संक्रमणबाट निको भएकी नर्सले बताइन् छिटो निको हुने यस्तो उपाए

संसार न्यूज़
४ हप्ता पहिले
कोरोना संक्रमणबाट निको भएकी नर्सले बताइन् छिटो निको हुने यस्तो उपाए

३० असार, नेपालगन्ज । गत जेठ ८ गते साँझ ६ः३० बजेको समय नर्स लक्ष्मी केसीका लागि कहिल्यै नभुल्ने दिन भएको छ । सधै ८ देखि ९ बजे कर्मक्षेत्रबाट फर्कने उनी सो दिन भने अपरान्ह ५ बजे फर्किइन् । नर्सिङ संघ बाँकेकी अध्यक्ष समेत रहेकी केसीले संघको भर्चुअल मिटिङमा रहेका बेला पति मेघराज ओलीले समस्या जटिल छ भन्दै मिटिङ अन्त्य गर्न संकेत गरे ।

सधै जिस्कने पतिले आज पनि मजाक गरेका होलान् भन्ने उनले ठानिन् । तर, उनलाई कोरोना भएको रहेछ । उनले पत्याइनन् । ‘मेरो रिर्पोट नै होइन । म सुरक्षाका सबै बिधि अपनाएर हिँड्थे । कसरी हुन्छ,’ उनले गरेको प्रतिवाद मेघराजले सम्झिए । ‘अरुलाई सम्झाउन सजिलो हुन्छ । आफू, समस्यामा पर्दा गाह्रो हुने रहेछ,’ लक्ष्मीले यर्थाथ दर्शाइन् ।

भेरी अस्पताल नेपालगन्जको मेडिकल सुपरिटेन्डेन्ट डा. प्रकाश बहादुर थापाले फोन गरेर सोधेपछि आफू संक्रमित भएको कुरा उनलाई थाहा भयो । खजुरा गाउँपालिकाकी स्वास्थ्य सहसंयोजक रहेकी नर्सिङ अधिकृत केसीले गाउँपालिकाको टिमलाई घर सेनिटाइज गर्न बोलाइन् । कोरोना संक्रमण भएको २४ घण्टासम्म घरकै आइसोलेशनजमा बसेकी केसीले घरमै बस्न माग गरिन् तर पाइनन् । संक्रमण भएको दोश्रो दिनमा उनका पतिमा पनि कोरोना पोजेटिभ देखियो ।

स्थानीय मध्यपश्चिम सन्देश दैनिकका प्रकाशक÷सम्पादक रहेका मेघराज खजुरा गाउँपालिकामा रहेको सुशील कोइराला क्यान्सर प्रखर अस्पतालको आइसोलेशनमा गएपछि दैनिकी फेरिएको बताउँछन् ।

कोरोना संक्रमण र यसबाट जोगिन यस्तो सुझाव दिन्छीन् लक्ष्मी
आइसोलेशनमा बस्नेले आफूलाई दिनभरी नै क्रियाशील बनाउनु पर्छ । सकेसम्म दैनिक रुटिन बनाएको राम्रो । नत्र भने मनमा रोग लागेको छ । के हुने हो भन्ने तनावले घेर्छ,’ मेघराजको सुझाव थियो । लक्ष्मी भन्दै थिइन् । ‘रोग प्रतिरोधात्मक क्षमता विकास गर्न सकरात्मक सोच चाहिन्छ । नत्र भने डिप्रेशनमा जाने खतरा हुन्छ ।’

बिहान सबेरै उठ्ने, योग, कपालभाँती गर्ने, दिनमा तीनपटक तातोपानीको बाफ लिने कार्यतालिका बन्यो । ‘रोगप्रतिरोधात्मक क्षमता वृद्धि गर्न गुर्जो निकै प्रभावकारी रहेछ । गुर्जो, टिमुर, लसुन, बेसार, अदुवा, नुन मिसाएर पानी खान्थ्यौं । मनतातो पानीमा कागती र मह पनि खान्थ्यौं,’ उनले भनिन् । मंगलबारको अन्नपूर्णपोष्ट दैनिकबाट

फाइल :फोटो

सर्बाधिक पढिएको

पार्टीभित्रको विवाद ओलीलाई कसरी हटाउने अनि प्रधानमन्त्री र पार्टी अध्यक्ष को–को बन्ने भन्नेमा मात्रै केन्द्रित देखियो

पार्टीभित्रको विवाद ओलीलाई कसरी हटाउने अनि प्रधानमन्त्री र पार्टी अध्यक्ष को–को बन्ने भन्नेमा मात्रै केन्द्रित देखियो ६ दिन पहिले | संसार न्यूज़

काठमाडौं । सत्तारुढ नेपाल कम्युनिष्ट पार्टी (नेकपा) आन्तरिक विवादमा फस्दै…

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित)

त्रिविले सार्वजनिक गर्यो स्थगित भएका स्नाकोत्तर र स्नातक तहको परीक्षा मिति (सूचनासहित) ३ हप्ता पहिले | संसार न्यूज़

काठमाडौं । त्रिभुवन विश्वविद्यालयअन्तर्गतको इन्जिनियरिङ अध्ययन संस्थानले लकडाउनका कारण रोकिएका…

त्रिवि परीक्षा संचालनका लागि समितिले दियो यस्तो चार विकल्प

त्रिवि परीक्षा संचालनका लागि समितिले दियो यस्तो चार विकल्प ४ हप्ता पहिले | संसार न्यूज़

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न…

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन

कोरोना महामारी रोकथाम तथा प्रतिकार्यमा खटिएकालाई प्रधानसेनापतिले दिए दश निर्देशन ४ हप्ता पहिले | संसार न्यूज़

२ साउन, काठमाडौं । विश्वव्यापी रुपमा फैलिएको कोरोना महामारी रोकथाम…