Sansar News- Nepal's Fast Khabar Online News Portal

त्रिवि परीक्षा संचालनका लागि समितिले दियो यस्तो चार विकल्प

संसार न्यूज़
२ महिना पहिले
त्रिवि परीक्षा संचालनका लागि समितिले दियो यस्तो चार विकल्प

४ साउन, काठमाडौँ । त्रिभुवन विश्वविद्यालयले परीक्षा सम्बन्धी सिफारिस गर्न गठन गरेको समितिले चार विकल्पमा कामगर्न सुझाव दिएको छ । समितिले दिएको सुझावका आधारमा आइतबार (आज) परीक्षा सम्बन्धी निर्णय लिन लागिएको हो ।

समितिले ‘ओपन बुक इग्जाम’ देखि परम्परागत रुपमा लिइँदै आएजस्तै दूरी कायम गरी परीक्षा लिन सकिनेसहित चार सुझाव दिएको छ ।

पहिलो- ‘ओपन इग्जाम’ लिन सकिने विकल्प दिएको छ । केन्द्रबाट प्रश्न पठाउने र विद्यार्थीले निश्चित समयभित्र उत्तर लेखेर पठाउने ‘ओपन बुक्स इग्जाम’ हो ।
दोश्रो–दोश्रोमा आन्तरिक मूल्यांकनलाई केही भार दिने र मौखिक परीक्षा लिइने विकल्प सुझाएको छ । जुम लगायत विभिन्न माध्यम, टेलिफोन आदिबाट मौखिक परीक्षा लिन सकिने समितिको सिफारिसमा उल्लेख रहेको आइतबारको नयाँपत्रिका दैनिकमा समाचार छ ।

तेश्रो-अनलाईन परीक्षा लिन सकिने छ । यसमा विद्यार्थीले अनलाइनमै बसेर तोकिएको समयभित्र उत्तर लेखेर पठाउन सक्नेछन् । थोरै विद्यार्थी र प्रविधिको प्रयोग भएका विद्यालयमा यो विधि उपयुक्त हुने समितिका एक सदस्यले बताए ।

चौथो-चौथो विकल्पका रुपमा परम्परागत रुपमा परीक्षा केन्द्र निर्धारण गरेर परीक्षा लिन सकिने समितिले सिफारिस गरेको छ । विद्यार्थी संख्या धेरै रहेको त्रिविमा कोभिड-१९ पछिको अवस्थामा उनीहरु कहाँ कस्तो अवस्थामा छन् भन्ने यकिन छैन । त्यसैले सबैभन्दा पहिले विद्यार्थीलाई ‘ट्रेसिङ’ गरी कहाँ र कस्तो अवस्थामा छन् भन्ने पत्ता लगाउनुपर्ने समेत समितिको सुझाव छ । विद्यार्थी पत्ता लगाएपछि उनीहरुको पायक पर्ने ठाउँमा परीक्षा केन्द्र निर्धारण गरी सुरक्षा अपनाएर परम्परागत ढंगको परीषा लिन सकिने विकल्प समितिले दिएको छ ।

 

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा ३ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड ३ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? ३ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…