Sansar News- Nepal's Fast Khabar Online News Portal

पाँच मुक्तक

गोम बिक्रम,कल्लाबारी, पाल्पा
२ महिना पहिले


मुक्तक-१
जति दिनुछ हण्डरहरू, सहन्छु अझ दे जिन्दगी
मुक्ति संघर्ष चल्दैन भने, जिन्दगी पनि के जिन्दगी
नमूना छुट्टै हुनुपर्छ, हृदय सबको छुनुपर्छ
दुःखैमा हाँसी दुःख काट्न, दुःखैमा फुल्छ रे जिन्दगी ।
मुक्तक २
कतै सलह फौजी कीरा, जता नि अनिकाल छ
जनजीवन अस्तव्यस्त, राहतमा आलटाल छ
आत्मीयताले बाँधी राखूँ, धैर्यता अरू साँधी राखूँ
बाढीपहिरो महामारी, सारा जीवन बेहाल छ ।
मुक्तक-३
स्विजरल्याण्ड बनाउने, शब्दका बुट्टा हान्छन् आफै
अरूले प्रयास गरे भने, जे पनि झुट्टा मान्छन् आफै
कतिको पालो चुक्नसक्छ, विरोधी बाटो ढुक्नसक्छ
अडान राखूँ राष्ट्रियतामा, कुर्सीको खुट्टा तान्छन् आफै ।

मुक्तक-४
वाञ्छित फल नमिल्नेमा, कम्मर कस्नै छाडेँ अचेल
जस्तो मोहनी जाल फ्याँक, चुप्चाप फस्नै छाडेँ अचेल
तिम्रा घुर्क्याइँ बिन्छु सबै, तिम्रा धुर्त्याइँ चिन्छु सबै
निर्धक्क भन्छु तिम्रो बाटो, कुरेर बस्नै छाडेँ अचेल ।

मुक्तक-५
नपटिउञ्जेल पाउ पर्छन्, स्वभाव उस्तै नरम हुन्छन्
अधुरा कुरा पूरा गर्न, प्रयास चाहीं चरम हुन्छन्
मिल्ने नमिल्ने काम हुन्छ, नभए निदै हराम हुन्छ
असारभरी भ्याइ न भ्याइ, कतिका खल्ति गरम हुन्छन् ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…