Sansar News- Online for Global Nepali

लघुकथाः यथार्थता

कृष्ण शर्मा ‘सुमु’, मिलनमोड़, हाल राँची
६ महिना पहिले

जन्मपछि मृत्यु निश्चित छ । जन्मेपछि मर्नु नै ध्रुवसत्य हो । सत्यदेखि जति भागे पनि एकदिन सबै जानुपर्छ । यस्तै कुराहरू खेलाउँदै भीमे बारीमा काम गर्दैथियो ।

अतिततिर फर्केर हेर्नु नचाहँदा नचाहँदै पनि मानिसले वर्तमानसित बाँच्नु पर्दोरहेछ । विवाह गरेपछि घरको जिम्मेवारी बड्दै गयो र उ परिवार लिएर धनबाद (भारत) गएको पनि धेरै साल भयो । छोरा छोरी पढाउने बढाउने कामले गर्दा बिस्तारै गाउँ घर भुल्दैजानु एक स्वाभाविक कुरा हो ।

भीमेले बिस्तारै त्यहीँ कोइला खानीमा काम गर्दै परिवारको भरणपोषण गरेपछि नानीहरू उतै पढे बढे । गाउँ घर फर्किने चाँजोपाँजो नमिलेर हो कि पैसाको अभाव हो । बिस्तारै बिस्तारै गाउँ घरको सम्झना मात्र भीमेको मनमा रह्यो ।

दुई लोग्ने स्वास्नी घरमा नेपाली बोले पनि नानीहरू भने हिन्दी बोल्नु मात्र जान्ने भए । वरिपरिको परिवेशसित ढल्नु थालेका नानीहरूलाई कति सिकाउँदा पनि उनीहरूले हिन्दीमा खुरूक्कै जवाब दिन्थे ।

समयको साथ नानीहरू पनि कमाउनु लाखापाखा लागे । यसरी दुई बुढाबुढीको जीवन चल्दै थियो । अचानक स्वास्नी बिमारी भएको देखेर भीमे अतालिनु थाल्यो । आखिरमा नानीहरू सबैलाई रातारात फोन गरेर घर बोलायो ।

केही दिनको बिमारपछि भीमेको स्वास्नीको निधन भयो। वरिपरिकाले रमिता हेरे । नेपाली भनेर कसैले लासमाथि हात लगाउने इच्छा गरेनन् । खबर कताकताबाट हामी गाउँले सामु आयो । हामी घर खोज्दै पुग्यौ । अति मार्मिक दृश्य। त्यहाँ परिवारका बाबु र छोरा छोरी बाहेक कोही थिएन । हामीलाई देखेर भीमेले आँखाबाट आँसु झार्यो । हामीले जानेजति नियम गरेर लास घाटसम्म पुरायौं ।

यसरी कति परिवार हाम्रो टुटेर कता कता पुगेका छन् । मानवताको नाताले यस्तो ठाउँमा पुग्नुपर्छ । सायद भीमे जस्तो पलायन भई पीड़ा भोगिरहेका अरू कति छन् होला हाम्रा सन्तानहरू भन्ने प्रश्न उठ्यो हाम्रो मनमा ।।

सर्बाधिक पढिएको

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल ४ दिन पहिले | संसार न्यूज़

४ माघ, काठमाडौं । युएईमा कार्यरत स्याङजाका डायमण्ड श्रेष्ठ र…

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ६ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ७ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली ३ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…