Sansar News- Nepal's Fast Khabar Online News Portal

कविताः के जानिन

रामचन्द्र भट्टराई चापाकोट, स्याङ्जा
२ महिना पहिले

खुशी जोड्छु भन्यो घट्दै जान्छ
दुःख घटाउछु भन्यो थपिदै जान्छ
लक्ष्य माथि सार्यो तल-तल झर्छ
तनाव तल झार्यो माथि माथि सर्छ
सुख चाह्यो पीडा भागमा पर्छ
जिन्दगीले यसरी किन गोलमाल गर्छ
अस्ति भन्दा हिजो,हिजो भन्दा आज
यो जिन्दगी सहज ठानिन
खै मैले के जानिन के जानिनँ ।

मान्छेहरु भन्थे,
सोझो औलाले घिउ आउदैन
औला नचाटी जिउ लाउदैन
पिठो बिक्छ बोल्नेहरुको
नबोल्नेको चामलले भाउ पाउदैन
दुईमा दुई नै थपे नि पाँच हुन्छ
यहि सुत्रमा जिन्दगीको जाँच हुन्छ
सुनिमात्र रहे, विश्वास मानिन
खै मैले के जानिनँ के जानिनँ ।

गौडो कुरी मान्छेहरु
मौका आउला पख भन्दोरहेछ
काखमा लिएपछि
बिरालो नै बाघ बन्दोरहेछ
बैगुनीलाई गुनले मार्नु
खडेरीमा बिरुवा सार्नु
उस्तै उस्तै न रहेछ
आकाशको तारा झटारले झार्नु
गाह्रै रहेछ हजुर धर्तीमा धानिन
खै मैले के जानिनँ के जानिनँ ।

न गुनासो गरेर काम छ
न परिस्थितिको लगाम छ
न सोचे जस्तो छ
न सम्झे जस्तो छ
आफैलाई पत्तो छैन
यो जिन्दगीको चाल कस्तो छ
चलिरहदा यात्रा
लम्किरहदा कदम
पल पल खतरा छ खुट्टा तानिन
खै मैले के जानिन के जानिनँ ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…