Sansar News- Nepal's Fast Khabar Online News Portal

कविताः राष्ट्रको माग के हो ??

नदी भट्टराई,फिक्कल इलाम
२ महिना पहिले

प्राणी हामी शिखर मनुको सभ्यताको बलेँसी
नाता हाम्रो शिखर शिरको वीरताको चिनारी ।
साँच्चै रोयो !! मुलुक अब लौ डुब्न लाग्यो कि के हो !!
सोधौं खोजौं सबजन मिली राष्ट्रको माग के हो ।।१।।

धर्ती हाम्रो प्रथम जननी विश्व देख्ने उचाइ
टेक्दा खुट्टा अझ पनि कतै जोडिदैनन् विहानी ।
थुप्रै मोतीकणहरू यहाँ उड्न सक्ने चरी भो
सोधौँ खोजौँ सबजन मिली राष्ट्रको माग के हो ।।२।।

शिक्षा दीक्षा सबतिर भए चेतना खै कहाँ भो ??
काँचो माटो पनि अति भयो पाक्न के नै रहेथ्यो ।
हेर्दा हेर्दै नवप्रकृतिको बीजआकार फुट्यो
सोधौँ खोजौँ सबजन मिली राष्ट्रको माग के हो ।।३।।

बाटो धारो सडक विजुली अन्नबाली सिँचाइ
धेरै थोरै अलिअलि गरी कारखाना जुटाई ।
बाँचेको सुन्दर मुलुकमा सम्झना मात्र प्यारो
सोधौँ खोजौँ सबजन मिली राष्ट्रको माग के हो ।।४।।

हाँकेका छन् विपुल जनता होडमा राष्ट्रनेता
नेता बन्ने अवसर गुमे बोल्छ है गोप्य भत्ता !!!
सानो भाँडो कतिदिन रहोस् रित्तिने धर्म के हो ??
सोधौँ खोजौँ सबजन मिली राष्ट्रको माग के हो ।।५।।

दाता दिन्छन् खुरुखुरु यहाँ पारदर्शी हुँदैनन्
चाट्ने भर्ने जब लत भयो राज्यमा नीति छैनन् ।
आफ्नो खाने रहल पनि ती खानुको अर्थ के हो ??
सोधौँ खोजौँ सबजन मिली राष्ट्रको माग के हो ।।६।।

हत्या हिम्सा प्रहर प्रहरमा, घुसखोरी छँदैछन्
लैना गाई सरह छ जनता चुस्न पल्केर चल्छन् ।
सत्ता हिड्ने पथ किन धमिलो पार्नुको मर्म के हो ?
सोधौँ खोजौँ सबजन मिली राष्ट्रको माग के हो ।।७।।

छन्द-मन्दाक्रान्ता

 

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा ३ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड ३ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? ३ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…