काठमाडौं । भारतका पूर्वराष्ट्रपति प्रणव मुखर्जी कोरोना संक्रमित भएका छन् । ८४ वर्षीया मुखर्जीको कोरोना परीक्षण रिपोर्ट पोजेटिभ देखिएको हो । सोमबार मुखर्जीले ट्वीटमार्फत आफ्नो कोरोना रिपोर्ट पोजेटिभ देखिएको बताएका हुन् ।
कोरोना संक्रमण पुष्टी भएसँगै मुखर्जीले आफ्नो सम्पर्कका आएकाहरुलाई परीक्षण गराउन र एकान्तबास बस्न आग्रह गरेका छन् ।
On a visit to the hospital for a separate procedure, I have tested positive for COVID19 today.
I request the people who came in contact with me in the last week, to please self isolate and get tested for COVID-19. #CitizenMukherjee— Pranab Mukherjee (@CitiznMukherjee) August 10, 2020
यसअघि भारतका केन्द्रीय गृहमन्त्री अमित शाह, पेट्रोलियम मन्त्री धर्मेन्द्र प्रधान, जल संशाधन मन्त्री अर्जुन मेघवाललाई पनि कोरोना संक्रमण देखिएको थियो । कोरोना संक्रमति देखिएका शाह, प्रधान र मेघवाल अहिले अस्पतालमा छन् ।
सोमबारसम्म भारतमा कोरोना संक्रमितको संख्या २२ लाख नाघेको छ । भारतीय सञ्चार माध्यमले जनाएअनुसार आइतबार मात्रै भारतभर ६२ हजार ११७ जना कोरोना संक्रमित थपिएका थिए ।
वि.सं.२०७७ साउन २६ सोमवार १४:३० मा प्रकाशित