Sansar News- Nepal's Fast Khabar Online News Portal

कोरोनाविरुद्वको भ्याक्सिन बनाएको रुसी राष्ट्रपतिको घोषणा, आफ्नी छोरी पनि भ्याक्सिनबाट ठिक भएको भनाई

संसार न्यूज़
२ महिना पहिले
कोरोनाविरुद्वको भ्याक्सिन बनाएको रुसी राष्ट्रपतिको घोषणा, आफ्नी छोरी पनि भ्याक्सिनबाट ठिक भएको भनाई

काठमाडौं । रुसी राष्ट्रपति भ्यादिमीर पुटिनले कोरोना भाइरसविरुद्वको भ्याक्सिन बनाएको घोषणा गरेका छन् । अन्तराष्ट्रिय सञ्चार माध्यमले जनाएअनुसार मंगलबार उनले पहिलो भ्याक्सिन आफ्नी छोरीलाई दिएको र छोरीले निकै राहत महसुस गरेको कुरा सार्वजनिक गरेका हुन् ।

‘हामीले कोरोनाको सुरक्षित भ्याक्सिन बनाएका छौं र देशमा रजिष्टर्ड पनि गर्यौं, मैंले आफ्नी एक छोरीमा पहिलो भ्याक्सिनको प्रयोग गरें, उनी निकै आराम महसुस गरेकी छिन्’, उनले भनेका छन् ।

रुसी अधिकारीका अनुसार ‘स्पूतनिक–वी’ नाम दिइएको भ्याक्सिनलाई रुसको स्वास्थ्य मन्त्रालयले पनि स्वीकृति दिएको छ । बताइएअनुसार भ्याक्सिन सबैभन्दा पहिला मेडिकल कर्मचारी, शिक्षा र जोखिममा परेका मानिसलाई लगाईनेछ ।

महिनाभरभित्र भ्याक्सिन आउने घोषणा गरेको थियो

रुसले महिना भर पहिले नै भ्याक्सिन आउने संकेत गरेको थियो । भ्याक्सिनको ट्रायलमा सबैभन्दा अगाडि देखिएको रुसले १० देखि १२ अगस्टभित्रमा भ्याक्सिन दर्ता गर्ने जनाएको थियो ।

रुसले भ्याक्सिन घोषणा गरेको भएपनि अमेरिका र ब्रिटेनले भने भरोसा गरेका छैनन् । उनीहरुले रुसमाथि भ्याक्सिन बनाउने फर्मुला चोरेको आरोप लगाएका छन् ।

सेक्टेम्बरदेखि उत्पादन, अक्टुबरदेखि नागरिकलाई लगाईने

विश्वकै पहिलो यस भ्याक्सिनलाई रुसको रक्षा मन्त्रालय र गामालेया नेशनल सेन्टर फर रिसर्च अन एपिडिमियोलोजी एण्ड माइक्रोबायोलोजीले मिलेर बनाएका हुन् । सेक्टेम्बरदेखि उत्पादन गर्ने र अक्टुबरदेखि आम नागरिकलाई लगाउने गरि रुसको तयारी रहेको मिडिया रिपोर्टमा उल्लेख छ ।

सबै आवश्यक ट्रायर पुरा गरिएको हो : रुसी स्वास्थ्य मन्त्री

रुसी न्यूज एजेन्सी तासका अनुसार देशका शीर्ष अधिकारीसँगको मंगलबारको छलफलमा राष्ट्रपति पुटिनले भ्याक्सिन रजिस्टर्ड गरेको बताएका थिए । पुटिनले स्वास्थ्य मन्त्री मिखाइल मुराशलाई यसबारे विस्तृत जानकारी दिन लगाएका थिए ।

मुराशले बताएअनुसार भ्याक्सिनको परीक्षण अभियानमा सबै खालको प्रभावबारे अध्ययन गरिएको थियो । भ्याक्सिनको परीक्षण गर्दा बिरामी व्यक्तिमा राम्रो इम्यूनिटी पैदा गरेको तथ्य भेटिएको थियो । उनले रुसी विशिष्ट व्यक्तिहरुसँगको छलफलमा सबै परीक्षणमा भ्याक्सिन पूर्णं सफल रहेको बताएका थिए ।

क्लीनकल ट्रायलमा सत् प्रतिशत सफल

रुसको रक्षा मन्त्रालयले बताएअनुसार भ्याक्सिनको सबै परीक्षणमा कुनै खालको साईड इफेक्ट देखिएको छैन् । क्लीनिकल ट्रायलमा पनि भ्याक्सिन सत् प्रतिशत सफल रहेको छ । रिपोर्ट अनुसार जसलाई भ्याक्सिन दिइएको थियो उनीहरुमा राेगप्रतिराेधात्मक क्षमताको असाध्यै राम्रो विकास भएको पाइएको थियो ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? १ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…