Sansar News- Nepal's Fast Khabar Online News Portal

ओली–प्रचण्ड आज पनि छलफलमा, के निस्किएला त समाधान ?

संसार न्यूज़
१ महिना पहिले
ओली–प्रचण्ड आज पनि छलफलमा, के निस्किएला त समाधान ?

काठमाडौं । सत्तारुढ नेकपाका अध्यक्षद्वय केपी शर्मा ओली र पुष्पकमल दाहाल ‘प्रचण्ड’ आज पनि छलफलमा जुटेका छन् । पार्टीभित्रको आन्तरिक विवाद समाधानका लागि भन्दै दुई अध्यक्ष छलफलमा जुटेका हुन् । बालुवाटार स्रोतले जनाएअनुसार दुई अध्यक्षबीच केहीबेर अघिदेखि प्रधानमन्त्री निवास बालुवाटारमा छलफल सुरु भएको छ ।

लामो समयको संवादहिनतालाई तोड्दै ओली र प्रचण्डबीच बिहिबार झण्डै चार घण्टासम्म छलफल चलेको थियो । बिहिबारको छलफल सकारात्मक उन्मुख भएसँगै दुई अध्यक्ष आज पुनः छलफलमा जुटेका हुन् ।

नेकपा स्रोतले जनाएअनुसार विवाद समाधानको लागि ओलीले दाहालसँग ३ बुँदे प्रस्ताव अघि सारेका छन् । जहाँ उनले कार्यकारी अध्यक्ष प्रचण्डलाई थप अधिकार दिने कुरा उल्लेख छ । साथै सरकार सञ्चालनसम्बन्धमा पनि उनले केहि विषय फेरबदल गर्न सकिने कुरा राखेका छन् ।

यसअघि बुधबार एक टेलिभिजनसँगको अन्तरवार्ताको क्रममा प्रधानमन्त्रीसमेत रहेका पार्टी अध्यक्ष ओलीले पाँच दिनभित्रै नेकपाको संकट समाधान हुने बताएका थिए । जसको भोलीपल्ट देखि नै दुई अध्यक्षबीच वार्ता सुरु भएको हो ।

गत साउन २१ मा अध्यक्ष प्रचण्डसहित वरिष्ठ नेता झलनाथ खनाल, माधव नेपाल र प्रवक्ता नारायणकाजी श्रेष्ठले बेग्लै पत्रकारको भेला गरेसँगै दुई अध्यक्षबीचको संवाद रोकिएको थियो । त्यसयताका समयमा ओलीले छलफलका लागि रुची नदेखाएको चर्चा भएको थियो ।

स्थायी समिति बैठकका बीच प्रधानमन्त्रीसमेत रहेका पार्टी अध्यक्ष ओलीको राजीनामा मागिएसँगै नकेपाभित्र विवाद चुलिएको थियो । नेकपाभित्र बहुमत पक्षधर ओलीले राजीनामा दिनुपर्ने अडानमा छन् भने ओली कुनै हालतमा कुनै पदबाट राजीनामा नदिने अडानमा छन् ।

सम्बन्धीत समाचार

ओली र प्रचण्डबीच ९ दिन पछि संवाद, के निस्किएलता त समाधान ?

ओली–प्रचण्ड वार्ता विवाद समाधान उन्मुख

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा ३ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड ३ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? ३ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…