Sansar News- Nepal's Fast Khabar Online News Portal

पहिरोको जोखिम देखेसँगै लिदीका स्थानीयले सहयोग मागेका थिए, तर बर्खा देखाउँदै गरिएन्

संसार न्यूज़
१ महिना पहिले
पहिरोको जोखिम देखेसँगै लिदीका स्थानीयले सहयोग मागेका थिए, तर बर्खा देखाउँदै गरिएन्

काठमाडौं । सिन्धुपाल्चोकको जुगल गाउँपालिका २ लिदीमा शुक्रबार बिहान गएको पहिरोमा परी दर्जनौं वेपत्ता भए । समाचार लेख्दै गर्दासम्म पहिरोमा पुरिएका ११ जनाको शव निकालिएको जुगल गाउँपालिकाकी उपाध्यक्ष सिर्जना तामाङले जानकारी दिएकी छिन् ।

तामाङले जनाएअनुसार अझै पनि पहिरोमा परि हराएका २७ जना सम्पर्कमा आएका छैनन् ।

अहिले उक्त क्षेत्रमा नेपाल प्रहरी, नेपाली सेना र स्थानीय उद्धार तथा खोजी कार्यमा जुटिरहेका छन् । पानी परिरहेको र पहिरो झरिरहेको कारण उक्त क्षेत्रमा उद्धारको काममा जटिलता भइरहेको उपाध्यक्ष तामाङले जानकारी दिएकी छिन् । दुर्गम ग्रामीण भेग भएको कारण पनि उद्धार टोली पुग्न समस्या छ ।

तामाङले जनाएअनुसार पहिरोले ३७ घरलाई पूर्णं क्षति पुर्याएको छ भने १७२ घरलाई जोखिममा पारेको छ । अहिले गाउँपालिकाले बाँकी ४० परिवारलाई उद्धार गरि सुरक्षित क्षेत्रमा लगेको तामाङले जानकारी दिइन् ।

‘गाउँ सार्न पहल गरेका थियौं तर बर्खाले मिल्दैन भन्ने जवाफ आयो’

गाउँपालिकाकी उपाध्यक्ष सिर्जना तामाङले जनाएअनुसार लिदी गाउँ पहिरोको जोखिममा परेसँगै स्थानीयले गाउँपालिकालाई खबर गरेका थिए । उनीहरुले गाउँ स्थानान्तरण गर्न आग्रह गरेका थिए ।

स्थानीयको अनुरोधसँगै गाउँपालिकाले जिल्ला विपद व्यवस्थापन समितिलाई गत साउन २२ मा गाउँ स्थानान्तरण गर्न अनुरोध गर्दै पत्र पनि लेखेको थियो । तर बर्खाको कारण देखाउँदै जिल्ला विपद व्यवस्थापन समितिले गाउँ सार्न नसकिने बताएको थियो ।

उपाध्यक्ष सिर्जना तामाङका अनुसार विपद व्यवस्थापनले सहयोग गर्न नसकिने जवाफ दिएसँगै गाउँपालिको आफ्नो स्रोतअनुसार अति असुरक्षित देखिएका परिवारलाई सुरक्षित रहन पाल र खाद्यान्नको सहयोग गरेको थियो ।

‘गाउँ नै पुरै जोखिममा छ त्यसैले गाउँ नै स्थानान्तरण गर्नुको विकल्प छैन्, तर विपद व्यवस्थापनबाट पनि बर्खामा सार्न सम्भव छैन् भन्ने आयो’, तामाङले भनिन्, ‘हामीले गाउँ स्थानान्तरण गर्न नसकिने भएसँगै पाल र खाद्यान्न सहयोग गरि घरमा नबस्न भनेका थियौं ।’

उनका अनुसार दुःखद घटना टेन्ट छोडेर घरमा जाँदा भएको हो । ‘उहाँहरु टेन्टमा त जानुभयो तर रातीमा बस्ने बिहान भएपछि घरमा जाने गर्नुभयो, बिहान खाजा खान घर गएको बेलामा पहिरो आएको हो’ उनले भनिन् ।

यस्ताे थियाे गाउँपालिकाले विपद व्यवस्थापनलाई लेखेकाे पत्र

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…