वलिवुड नायक सुसान्त सिंहको आत्महत्या प्रकरणमा नयाँ नयाँ खुलासा हुँदै गएको छ । उनकी प्रेमिका रिया चक्रवर्तीले सुसान्तसँग रिलेसनसिपमा रहनुभन्दा पहिले ड्रग्स लिने गरेको खुलासा भएको छ । भारतीय संचारमाध्यमका अनुसार रियाले ड्रग्स लिने गरेको म्यासेज च्याट फेला परेको हो ।
२०१९ मा सुशान्त सिंह राजपुतसँग भेट हुनुभन्दा पहिले सन् २०१७ तिर रियाले ड्रग्सका लागि कसैसँग कुरा गरेको म्यासेज फेला परेको हो । रियाले उक्त च्याटमा पहिलोपटक गौरव आर्या नामक व्यक्ति (जो ड्रग्स डिलरका व्यक्ति मानिएका छन् ) सँग ड्रग्सका बारेमा कुरा गरेकी छन् । च्याटमा भनेकी छन् ‘ यदि हामी ड्रग्सको बारेमा कुरा गरौं भने, मैले धेरै ड्रग्स प्रयोग गरेको छैन ।’
अर्को पटक गरिएको च्याटमा रियाले गौरवसँग सोधेकी छन्, तिमीसँग एम डि (मेथिलिन डाइअक्सी मेथाम फेटामाइन) । छ ?’
तेश्रोपटकको २०१७ मार्च ८ को गरिएको ह्वाटशएप च्याटमा रियाले आर्यासँग भनेकी छन्, ‘ धेरै नशा लाग्ने ड्रग्सका बारेमा कुरा गरौं भने मैले धेरै लिएको छैन । एकपटक एमडिएमए लिएको थिए, तिमीसँग एमडि छ ?’
त्यस्तै चौथोपटक गरिएको च्याटमा रियाले सामुयल मिराण्डा नामक व्यक्तिरँग कुरा गरेकी छन् । १७ अप्रिल २०२० को च्याटमा सामुयलले भनेका छन्–हाय रिया स्टफ लगभग खतम भएको छ ।’ त्यपछि मिरण्डाले रियालाई सोध्छन् ‘ हामी यो शोविकको साथी सँग लिन सक्छौ ? तर उ सँग हैस र बड छ ।’ यसलाई पनि नर्मल ड्रग्स मानिन्छ ।
२०१७ देखि चलेको यो ड्रग्सको कुराकानी २०२० सम्म चल्दै आएको देखिन्छ । रियाले उक्त च्याट डिलिट गरेको भएपनि अनुसन्धानका क्रममा त्यसलाई बाहिर ल्याइएको हो ।
तर, रियाका वकिलले भने रियाले कहिलेपनि ड्रग्स नलिएको बताएका छन् । उनले ड्रग्स लिएको÷नलिएको भन्ने बारेमा रियाले कुनैपनि टेष्ट दिन तयार रहेको बताएका छन् ।
२०१९ अप्रिलमा खुलासा भएको सुसान्त र रिया वीचको सम्बन्ध अन्तत सुसान्तको आत्महत्यासँगै एकवर्षमै टुंगिएको छ । सुसान्तका वुवाले आफ्नो छोराको आत्महत्या प्रकरणमा मुख्य आरोपि रिया रहेको भन्दै मुद्दा हालेका छन् । अन्य प्रहरीले रियासँग सोधपुछ गरेपछि सीबीआईले हालसम्म कुनैपनि सोधपुछ नगरेको बताइएको छ ।
ड्रग्स लिने गरेको खुलासा भएपछि भने रिया नारकोटिक्स कन्ट्रोल व्युरो (एनसीबी) को जाँचमा सहभागी भइसेकेको र एक दुई दिनमै उक्त टिमले उनलाई सोधपुछ गर्ने बताइएको छ ।
वलिवुडका आशालाग्दा नायक सुसान्तले १४ जुनमा मुम्बईको बान्द्रास्थित आफ्नै फ्लाटमा आत्महत्या गरेको अवस्थामा मृत भेटिएका थिए । उनको आत्महत्या या हत्या भन्ने कुराअझै अनुसन्धानमै रहेको छ ।
वलिवुड नायक सुशान्तको आत्महत्या प्रकरणः बयानका क्रममा यस्तो खुलासा गरे हाउस किपरले
वि.सं.२०७७ भदौ १० बुधवार १४:५० मा प्रकाशित