Sansar News- Online for Global Nepali

अफ्रिका संयोजक रोशन थापाले दिए एनआरएनए महासचिव शर्माको १३ प्रश्नको यस्तो जवाफ

संसार न्यूज़
२ महिना पहिले
अफ्रिका संयोजक रोशन थापाले दिए एनआरएनए महासचिव शर्माको १३ प्रश्नको यस्तो जवाफ

१४ भदौ, काठमाडौं । गैरआवासीय नेपाली संघ (एनआरएनए) का महासचिव डा. हेमराज शर्माका १३ प्रश्नका जवाफ अफ्रिकाको जाम्बियामा रहेका एनआरएनए अफ्रिका संयोजक रोशन थापाले दिएका छन् ।

गैरआवासीय नेपाली संघ (एनआरएनए) का अगाडि उभिएका प्रश्न र अग्रगामी ऐजेण्डाका विषयमा व्यापक छलफल हुनुपर्ने भन्दै शनिबार महासचिव डा. शर्माले सामाजिक संजाल फेसबुकमा उठाएका १३ वटै प्रश्नको जवाफ अफ्रिका संयोजक थापाले दिएका हुन् ।

यस्ता छन् थापाले दिएका १३ प्रश्नको जवाफ
महासचिबज्यूको अगाडी उभिएका प्रश्नमा मेरो धारण राखेकोछु ।

प्रश्न नं १-स्थापना भएको १७ वर्षसम्म पनि किन एनआरएनए आम गैरआवासीय नेपाली बिच पुग्न सकेको छैन ? ६० लाख नेपाली बाहिर छन् भन्ने मान्ने हो भने जम्मा १.२५ प्रतिशत गैरआवासीय नेपालीहरु मात्र संघका पञ्जिकृत सदस्य छन् । यी मघ्ये कतिजना स्वस्फूर्त सदस्य बनेका छन् ? सदस्य बनाउन उम्मेदवारहरुको पकेट कति रित्तिन्छ ? एकेडेमिक क्षेत्रका गैरआवासीय नेपालीहरुले किन एनआरएनबाट किन टाढा छन ? खाडीका नेपालीले किन एनआरएन भएको महसुस गर्दैन ?

उत्तरः सीमित श्रोत र साधनका बावजूद आज ८३ देशमा हाम्रो संस्था बिस्तार हुन पुगेको छ । अझै फैलिने क्रम चलिरहेको कुरा यहाँलाई अवगत नै छ । हाम्रो बिधानको परिच्छेद–४ को ७.१ अनुसार सबै ६० लाख हाम्रो साधाण सदस्य हुन्, परिच्छेद–४ को ७.२ अनुसार पञ्जिकृत सदस्य जो क्रियाशील रूपमा सघका हरेक गतिबिधिमा सक्रिय छन् । जो आगामी दिनमा हाम्रो सत्कर्मले बढ्दै जानेकुरामा दुई मत नहोला । स्वस्फूर्त सदस्य बन्ने कुरा ब्यक्तिगत चाहना र स्वतन्त्रताका कुरा हुन् भने सदस्य बनाउन उम्मेदवारहरुको पकेट कति रित्तिन्छ भन्ने कुरा सम्बधित ब्यक्तिको ब्यक्तिगत स्वार्थको कुरा हुन् जो किन भई राखेको छ हामी सबैलाई अवगत नै छ । यही बिधान भित्रैबाट जुन समस्यको निराकरण सम्भब छ । एकेडेमिक क्षेत्रका गैरआवासीय नेपालीहरु किन टाढा छन् न भन्ने कुरा बिधानको परिच्छेद–३ अनुसार यो गैर नाफामूलक सामाजिक संस्थाको यहा जो कोहीलाई पनि हामी भित्रि मनबाट स्वागत गर्न सधै आतुर छौं ।
गैर नाफामूलक सामाजिक संस्थामा आबद्ध हुने वा नहुने कुरा ब्यक्तिगत इच्छाका बिषय हो जस्तो ला । एकेडेमिक क्षेत्रका ब्यक्तिको आवश्यकता र अपरिहार्यतालाई महसूस गरेर नै यहाँलाई पनि हामीले अघिल्लो चुनाबमा बिजयी गराएको कुरा घाम जस्तै छर्लंगै छ ।

प्रश्न नं २-संघमा दोश्रो पुस्ताका गैरआवासीय नेपालीको सहभागिता किन शून्य छ ?
उत्तरः महिला र युवाको सहभागिता किन नगन्य छ ? मेरो धारणाः दोश्रो पुस्ताका गैरआवासीय नेपालीलाई जोड्ने अभियान एसिया प्यासिफिकको साथीहरूको अगुवाईमा सुरु भई सकेको कुरा यहालाई अवगत न । महिला र युवाको सहभागिता समानुपातिक हिसाबमा हेर्ने हो भने त्यति निराशजनक छ जस्तो लाग्दैन ।

प्रश्न नं ३-एनआरएनएको नेतृत्वमा पुग्न किन व्यवसायी हुनुपर्र्छ, एकेडेमिक वा पेशागत व्यक्ती किन पुग्न सक्दैनन् ?

उत्तर- गैर नाफा मूलक सामाजिक संस्थामा आब्द्ध भएर नेतृत्वमा पुग्नका लागि समय र श्रोत आफैले जुटाउनु पर्छ । ब्यक्तिगत लाभ नपाइने तथा ब्यक्तिगत समयको अभाब पनि एउटा कारण हो जस्तो लाग्छ । चर्को उमेद्वारी शुल्कलाई हटाउने हो भने यो समस्या केही हदसम्म समाधान हुन्छ जस्तो लाग्छ ।

प्रश्न नं ४- संघमा राजनीति र पैसा किन हावी छ ? निर्वाचनमा किन राजनीतिक दलका नेताहरुले हायात होटलमा अड्डा जमाउन् ? केन्द्रिय निर्वाचनमा कतिको पकेट भरिन्छ ? एनआरएनमा दशौं वर्ष योगदान गरेर उम्मेदरबार बनेका (कुनै दलको चौवन्नी सदस्य नलिएका) कुमार पन्त र कुल आचार्यलाई यो वा त्यो दलको बिल्ला भिराएर हराउने वा जिताउने खेल किन खेलिन्छ ?

उत्तरः हामी नेपालीहरू जहा पुग्छौ त्यहा राजनीति पनि संगै लिएर गएका हुन्छौ । जहिलेसम्म हामी संघको उद्धेश्यहरूलाई केन्द्र बिन्दुमा नराखेर ब्यक्तिगत स्वार्थलाई अगाडी राख्छौ यस्ता समस्याहरू आइरहन्छन् । जब बिचार र भिजनले चुनाब जित्न नसकिने भयो भन्ने लाग्छ अनी पैसा र पावरको दुरुपयोग हुने हो ।

प्रश्न नं ५- नेपाल सरकारलाई सभ्यताको पाठ सिकाउने हामीलाई हायत होटलमा किन लाठी बर्साउनु पर्छ ?
उत्तरः यो कुरा बिगतको नेतृत्वको ब्यवस्थापकिय कमजोरी हो ।

प्रश्न नं ६-सम्माननीय प्रधानमन्त्रीज्यू एनआरएन विश्व सम्मेलनमा अनुपस्थित हुनुपर्ने स्थिति किन आउछ ?

उत्तरः हाम्रो असक्षम निर्बाचन कमिटीको गल्तीले गर्दा भएको हो यसको दोष अरुलाई लगाऊनु भनेको २-३ दिन सम्म पनि घाम र पानीको प्रवाह नगरी मतदान गर्न बसेकासाथीहरू प्रति घोर अन्याय हुनेछ ।

प्रश्न नं ७-राष्ट्रिय समन्वय परिषद्मा लास उठाउने देखि गैरआवासीय नेपालीहरुको शुख दुःखमा साथ दिने पदाधिकारीहरु (नेपाल जान नसकै कारणले) किन केन्द्रीय चुनावमा भाग लिनबाट बञ्चित हुन्छन् ?

उत्तर-नेपालीहरुको शुख दुखमा साथ दिने पदाधिकारीहरुलाई हृदय देखीनै नमन गर्दै सबैलाई उपयुक्त हुने दिन र समय एकै दिन नपर्न पनि सक्छ । चुनाबमा भाग लिन नपाएकै कारणले हामीले गर्ने सामाजिक कार्यलाई बाधा पुर्याउछ जस्तो लाग्दैन ।

प्रश्न नं ८-प्रविधीको जमानामा बोरामा सदस्यता फाराम उठाएर ग्यारेजमा थन्काउने परिस्थिति किन बन्छ ? काठमाडौंमा मतदाता परिचयपत्र प्राप्त गर्न र मतदान गर्न किन घण्टौं लाईनमा बस्नु पर्छ ?
उत्तरः नेतृत्वको ब्यबस्थापकिय कमजोरीका कुराहरू हुन् । प्रविधीको उच्चतम प्रयोगबाट बिगतका कमजोरीलाई हटाऊन सकिन्छ ।

प्रश्न नं ९- खाडीमा प्रत्येक दिन दुई नेपालीको मृत्यु हुँदा हामी किन मुकदर्शक छौं ? स्वदेश फर्केका नेपालीहरुको सिप किन सदुपयोग हुन सकेको छैन ? खाडीका कामदारले बचाएको थोरै पैसा लगानी गर्ने वातावरण किन बन्न सकेको छैन ?

उत्तरः यस्ता साजाजिक कार्य हाम्रो खाडीमा रहेका संघंका साथीहरू सीमित श्रोतका बीच दिन र रात नभनि खटीरहनु भएका साथीहरू प्रतिको अन्याय हो । र प्रश्न न ९ र १० को काम गर्नलाई अहिलेको बिधान र नियमावलीले कही पनि अवरोध गरेको छ जस्तो लाग्दैन । यदि भए छलफल गर्न सकिन्छ ।

प्रश्न नं ११- नेपालमा भूकम्प, बाढी पहिरो जस्ता दैंवी प्रकोपमा सहयोगका लागि संघका पदाधिकारीको पकेटमा मात्र किन भरपर्नु परेको छ ?
उत्तरः यहाँलाई स्मरण रहोस, नेपाललाई सारो गाह्रो पर्दा हाम्रा साथीले मुठी खोलेर सहयोग गर्नु भएको यथार्थलाई छाँयामा पारेर सबै संघका पदाधिकारीको पकेट बाट मात्र भयो भन्नु दिउसै रात पार्नु हो ।

प्रश्न नं १२- ग्लोवल वार्मिङ्ले नेपाललाई पारेको समस्या, सिमा विवादलाई किन अन्तर्राष्ट्रिय करण गर्न सक्दैनौ ?
उत्तरः मलाई जहासम्म लाग्छ गैर नाफामूलक सामाजिक संस्थाको उदेश्य बाहिरको कुरा हुन् । यदि गर्ने नै भए हाम्रो बिधानको परिच्छेद–३ लाई संशोधन गरौ ।

प्रश्न नं १३-डा. उपेन्द्र महतोले देख्नु भएको संमृद्ध नेपाल बनाउने सपना र डा. शेष घलेले ग्लष्तभम ल्बतष्यल या ल्भउबभिकभ बनाउने सपना साकार बनाउन सकौला ? राजनीति र पैसाबाट एनआरएनए खुला रुपमा बलत्कृत हुँदा ‘द्रोपतीको चिरहरणमा भिष्म पितामह र गुरु द्रोण जस्तै’ किन विवस छन् पूर्वअध्यक्षहरु ? एनआरएनएको अस्तित्व माथी प्रश्न खडा हुँदा अभियन्ताहरुलाई किन पोल्दैन ?

उत्तरः यी कुरामा कसैको पनि दुई मत नहोला । क–कसले राजनीति र पैसाबाट एनआरएनए खुला रुपमा बलत्कार गर्यो ? यस्को उतत्त खोजौ । गर्ने मान्छे खोजौ । पूर्व अध्यक्षहरुलाई हामी संग जोड्ने ब्यवस्था मिलाउनुसे यति गर्नलाई बिधानलाई संशोधन गर्न पर्दैन ।

यी सबै प्रश्नहरुको एउटै उत्तरको खोजीमा हामीले आमुल परिवर्तनको एजेण्डा अगाडी सारेका छौं ।

सदस्यता देखी निर्वाचन पद्दती सम्म) । आउने चुनौतीमा खुला छलफल गरौं, तर परिवर्तनका लागि खुट्टा नकमाउँ साथीहरु । हामीले नगरे कसले गर्छ? अहिले नगरे कहिले हुन्छ परिवर्तन ? मेरो धारणाः निशुल्क सदस्यतालाई संजीबनि बुटी जसरी प्रस्तुत गरिदैँछ । जुन सरासर गलत छ । मैले कुरा गरेका अधिकाश साथीहरूले यस्को बिरोध गर्नु भएको अवस्था छ । परिवर्तन गर्नु पर्छ तर केका लागि ? सदस्यता शुल्कले हाम्रो परिवर्तनमा कहा बाधा पुर्यायो ? राष्ट्रिय समन्वय परिषदलाई अझ बढी स्वायत, अझ बढी अधिकार सम्पन्न बनाऊने हो । निःशुल्क सदस्यता हुने ,सदस्यहरूको सम्पुर्ण विबरण केन्द्रले राख्ने, चुनाब अनलाइन भोटिङग बाट हुने हो भने राष्ट्रिय समन्वय परिषदको काम ताली बझाऊने मात्र नहोला भन्न सकिन्न ।’

सर्बाधिक पढिएको

रेलगाडीको ठक्करबाट अमेरिकामा नेपाली युवतीको मृत्यु

रेलगाडीको ठक्करबाट अमेरिकामा नेपाली युवतीको मृत्यु २ हप्ता पहिले | संसार न्यूज़

२९ असोज, अमेरिका । रेलगाडीको ठक्करबाट अमेरिकाको क्विन्समा एक नेपाली…

अन्य जिल्लाबाट पर्वत छिरे १४ दिन क्वारेन्टिन (सूचनासहित)

अन्य जिल्लाबाट पर्वत छिरे १४ दिन क्वारेन्टिन (सूचनासहित) २ हप्ता पहिले | संसार न्यूज़

काठमाडौं । अन्य जिल्लाबाट पर्वत जिल्ला गएमा १४ दिन होम…

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु ३ हप्ता पहिले | संसार न्यूज़

२१ असोज, काठमाडौं । पिसीआर रिर्पोट नेगेटिभ भएको प्रमाण बोकेर…

स्वनामलाई बचाउन संयुक्त विज्ञप्ति

स्वनामलाई बचाउन संयुक्त विज्ञप्ति २ हप्ता पहिले | संसार न्यूज़

२ कार्तिक, काठमाडौँ । माक्र्सवादी चिन्तक तथा बामपन्थी नेता स्वनाम…