Sansar News- Online for Global Nepali

‘सिसेल्समा नेपालीले खानै नपाएको भन्ने समाचारमा कुनै सत्यता छैन-उपाध्यक्ष मनोज विक, एनआरएनए सिसेल्स

संसार न्यूज़
२ महिना पहिले
‘सिसेल्समा नेपालीले खानै नपाएको भन्ने समाचारमा कुनै सत्यता छैन-उपाध्यक्ष मनोज विक, एनआरएनए सिसेल्स

२६ भदौ, काठमाडौं । विश्व्यापी कोरोना संक्रमणका कारण सिसेल्समा रहेका नेपालीहरुले बस्न तथा खानै नपाएको भनेर आएको समाचारमा कुनै सत्यता नभएको गैरआवासीय नेपाली संघ राष्ट्रिय समन्वय परिषद् सिसेल्सले जनाएको छ ।

केही दिन अघि संचार माध्यममा सिसेल्समा नेपालीले खान र बस्न नपाएको भनेर आएको समाचारले सिसेल्समा कार्यरत नेपाली, उनीहरुका परिवार तथा अन्यलाई समेत असर परेको बताउँदै त्यस्तो समाचारमा कुनै सत्यता नभएको एनआरएनए सिसेल्सका उपाध्यक्ष मनोज विकले संसारन्युजलाई बताएका छन् ।

उक्त समाचारको खण्डन गर्दै विकले भनेका छन्

सिसेल्समा भएका नेपालीहरूको आजको समस्या भनेको ज–जस्ले कोरोना भाईरस (Covid19) लगायत अन्य कारणवस जागिर गुमाएका छन् । उनीहरू नेपाल फर्कन चाहान्छन् । तसर्थ नेपाल फर्कन पर्ने वाध्यात्मक परिस्थितिमा केही नेपाली छन् ।

तर खानै नपाएको र बस्नै ठाँउ समेत नपाएको भन्ने कुरामा कुनै सत्यता छैन र सिसेल्समा यस्ता खालका घटना हुदैनन् पनि । यदा कदा कुनै कम्पनी वा साहुले यस्ता हर्कत गर्ने चेष्टा गरेमा यहाँको कानुनले छाड्दैन ।

नेपाल फर्कने सम्बन्धमा हामीले पटक पटक सम्वन्धित दूतावास,नेपाल सरकारको श्रम मन्त्रालय र परराष्ट्र मन्त्रालयमा समेत कुरा राखेका छौ र यसै समाचारको माध्यमबाट पनि नेपाल सरकारको सम्वन्धित निकायहरूको पुनः ध्यानाकर्षण समेत गराउन चाहान्छौ की नेपाल फर्कन पर्ने वाध्यात्मक परिस्थितिमा सिसेल्समा रहेका नेपालीहरूलाई यथाशिघ्र नेपाल जाने वातावरण निर्माण गरियोस् ।

सिसेल्समा हुनुहुने साथिहरूमा पनि म यसै समाचारको माध्यमबाट सन्देश दिन चाहान्छु की कोही कतै खान बस्न नपाएको समस्या भए कृपया सम्पर्क गर्नु होला सामाधान हुने छ । घर जान नपाएकोमा आक्रोशित हुदै अफवाह फैलाउने किसिमका समाचार सम्प्रेषण लगायत वा सामाजिक संजालमा तथानाम लेख्ने खालका गतिविधी कदापि नगर्न समेत आग्रह गर्दछौ ।

किनकी सिसेल्समा तपाई मात्र नभई हजारौ नेपाली छौ । यस्ता खालका भ्रमक समाचारले हाम्रो घर परिवार, ईष्टमित्र, शुभचिन्तक लगायत नेपाल वा अन्य मुलुकमा रहेकाहरूमा के कस्तो असर गरेको होला र उनीहरूमा के बितिरहेको होला ।

भाद्र २५ गते रातोपाटी अनलाईन खबरले प्रकाशित गरेको समाचार शिर्षक ‘सिसेल्समा खान बस्न नपाई भोकै मर्नुपर्ने स्थिती’ भन्ने बारे कुनै सत्यता नरहेको र पीडित भनिएका सिसेल्सबाट समाचार स्रोतकर्ताको भूमिका निर्वाह गरेका युवाराज खत्री स्वयं भन्छन–रातोपाटीसगंको संवादमा आफूले त्यस्तो नभनेको र जे भनियो त्यो भन्दा फरक समाचार छापिएकोमा आफै दुःखी भएको बताएका छन् ।’

सर्बाधिक पढिएको

रेलगाडीको ठक्करबाट अमेरिकामा नेपाली युवतीको मृत्यु

रेलगाडीको ठक्करबाट अमेरिकामा नेपाली युवतीको मृत्यु २ हप्ता पहिले | संसार न्यूज़

२९ असोज, अमेरिका । रेलगाडीको ठक्करबाट अमेरिकाको क्विन्समा एक नेपाली…

अन्य जिल्लाबाट पर्वत छिरे १४ दिन क्वारेन्टिन (सूचनासहित)

अन्य जिल्लाबाट पर्वत छिरे १४ दिन क्वारेन्टिन (सूचनासहित) २ हप्ता पहिले | संसार न्यूज़

काठमाडौं । अन्य जिल्लाबाट पर्वत जिल्ला गएमा १४ दिन होम…

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु ३ हप्ता पहिले | संसार न्यूज़

२१ असोज, काठमाडौं । पिसीआर रिर्पोट नेगेटिभ भएको प्रमाण बोकेर…

स्वनामलाई बचाउन संयुक्त विज्ञप्ति

स्वनामलाई बचाउन संयुक्त विज्ञप्ति २ हप्ता पहिले | संसार न्यूज़

२ कार्तिक, काठमाडौँ । माक्र्सवादी चिन्तक तथा बामपन्थी नेता स्वनाम…