Sansar News- Nepal's Fast Khabar Online News Portal

अन्तर्राष्ट्रिय नेपाली साहित्य समाजको अफ्रिका च्याप्टर गठन

संसार न्यूज़
१ हप्ता पहिले
अन्तर्राष्ट्रिय नेपाली साहित्य समाजको अफ्रिका च्याप्टर गठन

१४ सेप्टेम्बर अफ्रिका । अन्तर्राष्ट्रिय नेपाली साहित्य समाज (अनेसास) अफ्रिका च्याप्टर गठन भएको छ ।

अफ्रिकामा रहेका नेपाली साहित्यकर्मी बिच आइतबार भएको जुम बैठकले गणेश खड्का (सेसेल्स) को अध्यक्षतामा अन्तर्राष्ट्रिय नेपाली साहित्य समाज अफ्रिका च्यापटरको गठन गरिएको हो ।

जसको उपाध्यक्षमा सुवास सापकोटा ( केन्या ), महासचिवमा दुर्गा बिनय (मलावी), सचिवमा वड मिसन (कङ्गो), कोषाध्यक्षमा पुरोषत्तम अधिकारी (सेसेल्स) रहेका छन् भने सदस्यहरुमा प्रदिप ध्वज बुढाथोकी (युगान्डा), रमेश राई (मदागास्कार) र अन्जु पौडेल ( नाइजेरिया ) रहेका छन् । साथै समितिले अन्य देशहरुबाट समेत सदस्यहरु थप गर्दै जाने बताएको छ ।

त्यसैगरी समितिको सल्लाहकारमा हिक्मत थापा (नाइजेरिया), कृष्ण दत्त भट्ट (केन्या ) र रमेश कंडेल (युगान्डा) चयन भएका छन् ।

बैठकमा शुभकामना दिँदै अनेसास अन्तर्राष्ट्रिय समितिका अध्यक्ष प्रकाश पौडेल ‘माइला’ले अब अनेसास संसारका सबै महादेशमा पुगेको बताउँदै कार्यसमितिमा चयनभएका सम्पूर्ण पदाधिकारीलाई बधाई र शुभकामना दिएका थिए । अफ्रिकामा नेपाली साहित्यमा कलम चलाउने लेखकहरुलाई अनेसासको अन्तर्राष्ट्रिय संजालमा स्वागत गर्दै सबै मिलेर नेपाली भाषा र साहित्यलाई बिश्वब्यापी बनाउनु पर्ने अभियानमा आफुहरु रहेको अध्यक्ष माइलाले बताए ।

त्यसैगरी गैरआवासीय नेपाली संघका भाषा, साहित्य, संस्कृती तथा सम्पदा प्रबर्द्धन समितिका अध्यक्ष हिक्मत थापाले अफ्रिकामा अनेसास स्थापना गर्ने पुरानो सपना यथार्थमा परिणत भएको बताउँदै नेपाली भाषा साहित्यलाई अफ्रिकामा समेत बिस्तार र सम्बद्र्धन गर्न यसले थप योगदान दिने विश्वास व्यक्त गरेका थिए ।

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो १ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा २ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड २ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ?

निरन्तर ओरालो लाग्दै सुनको भाउ, हेर्नुहोस् कति छ त आज प्रतितोला ? ४ हप्ता पहिले | संसार न्यूज़

९ भदौ, काठमाडौं । निरन्तर उकालो लागेर लाख नाघेको सुनको…