Sansar News- Nepal's Fast Khabar Online News Portal

नेकपाभित्रको नयाँ किचलो : कुलमान घिसिङ्ग ! समाचार टिप्पणी

संसार न्यूज़
२ हप्ता पहिले
नेकपाभित्रको नयाँ किचलो : कुलमान घिसिङ्ग !

काठमाडौं । नेपाल विद्युत प्राधिकरणको कार्यकारी निर्देशकमा रहँदा कुलमान घिसिङ्गले अत्यन्तै उदाहरणीय काम गरे । उनको नेतृत्वले देशमा १८ घण्टासम्म भएको लोडसेडिङ्ग अन्त्य मात्रै गरेन अत्यन्तै घाटामा पुगेको नेपाल विद्युत प्राधिकरणलाई अरबौं नाफामा ल्याउन पनि सफल भयो ।

पुष्पकमल दाहाल ‘प्रचण्ड’ नेतृत्वको तत्कालिन सरकारले २०७३ भदौ २९ मा घिसिङ्गलाई प्राधिकरणको प्रमुखका रुपमा नियुक्ती गरेको थियो । घिसिङ्ग प्राधिकरणको प्रमुखमा नियुक्ती भएको छोटो समयमै दैनिक १८ घण्टासम्म हुने लोडेसेडिङ्ग अन्त्य भएको थियो ।

भदौमा नियुक्ती पाएका घिसिङ्गले ०७३ कै तिहारदेखि मुख्य ठुला शहरमा लोडसेडिङ्ग अन्त्य गराएका थिए । घिसिङ्गको कार्यकाल सुरु भएको डेढ वर्ष अर्थात् २०७५ वैशाखदेखि देशभर लोडसेडिङ्ग अन्त्य भएको थियो ।

वर्षेनी घाटामा गएको विद्युत प्राधिकरणलाई नाफामुलक बनाउँदै लोडेसेडिङ्ग अन्त्य गरेका घिसिङ्गको ४ वर्षे कार्यकाल भदौ २९ देखि सकिएको छ । उनलाई पुनर्नियुक्ती दिने विषय चर्चामा रहेको भएपनि वर्तमान केपी शर्मा ओली नेतृत्वको सरकारले भने अनिच्छा देखाएको छ ।

रिक्त प्राधिकरण प्रमुख पदमा सोमबार बसेको मन्त्रिपरिषद बैठकले कुनै निर्णय गरेन । जनाइएअनुसार कुलमान घिसिङ्गलाई पुनर्नियुक्ती गरिने प्रस्ताव अन्तिम समय प्रधानमन्त्री ओलीले रोकेका थिए ।

कुलमानको नाममा नेकपाका नेताहरुबीच जुहारी

सत्तारुढ नेकपा कुलमान घिसिङ्गलाई पुनः नियुक्ती गर्ने वा नगर्ने भन्ने विषयमा विभाजित छ । नेकपा अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाललगायतका नेताहरु कुलमान घिसिङ्गलाई पुनर्नियुक्ती दिने पक्षमा छन् । तर, प्रधानमन्त्री ओलीलगायतका नेताहरु भने घिसिङ्गको विपक्षमा छन् ।

पुनर्नियुक्तीको चर्चा भईरहेका बेला नेकपाभित्र घिसिङ्गको विषयमा विवादसमेत भएको छ । जुन सामाजिक सञ्जाल र कतिपय सञ्चारमाध्यममार्फत छताछुल्ल छ । नेताहरु सामाजिक सञ्जालमा एक अर्काप्रति कटु आलोचनासहित उपस्थित छन् ।

नेकपा प्रवक्तासमेत रहेका नेता नारायणकाजी श्रेष्ठले घिसिङ्गको पक्षमा दिएको अभिव्यक्तिप्रति प्रधानमन्त्री ओलीका प्रेस सल्लाहकारले अत्यन्तै ठाडो आलोचना गरेका छन् ।

‘नेपाल आमाका सुयोग्य सुपुत्र घिसिङ्गको योगदान अझै आवश्यक रहेको’ भन्ने अभिव्यक्ति दिएका श्रेष्ठमाथि ओलीका सल्लाहकारले अत्यन्तै अराजक शैलीसहित आलोचना गरेका छन् । श्रेष्ठको अभिव्यक्तिमाथि कडा विरोध गर्दै ओलीका सल्लाहकारले लेखेका छन् , ‘पार्टीको हालको जिम्मेवारी यहि लबिङ गर्ने हो ?’

नेकपाको प्रचार विभागको प्रमुख श्रेष्ठ र उपप्रमुख थापाबीचको जुहारी सञ्चार माध्यम र सामाजिक सञ्जालमा पनि प्राथमिकतामा पनि परेको छ । चर्चामा रहेको यी दुई अभिव्यक्तिले नेकपाभित्रको विवादको अवस्थालाई पनि चित्रित गर्दछ । जसको निरन्तरता आगामी समयमा समेत देखिनेछ ।

नारायणकाजी श्रेष्ठकाे अभिव्यत्ति

सुर्य थापाकाे अभिव्यत्ति

१.कुलमान घिसिङकाे पक्ष/विपक्षका यतिबेला आआफ्ना मत/अभिमत हाेलान् । मलाई त आफ्ना निम्ति याे नजाने गाउँकाे बाटाे साेध्ने…

Posted by Surya Thapa on Monday, September 14, 2020

सम्बन्धित समाचार

कुलमान नियुक्तीको विषय अन्यौंलमा, उर्जामन्त्री पुनले बैठकमा लगेनन् प्रस्ताव

कुलमानको पुनः नियुक्तीको सम्भावना कठिन, कुलमानप्रति प्रधानमन्त्री ओलीका धेरै छन् असन्तुष्टी

सर्बाधिक पढिएको

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो

वैद्य र विप्लवको अगुवाईमा पूर्वमाओवादी एक हुँदै, सत्तारुढ नेकपामा जाँदैछ पहिरो २ हप्ता पहिले | समर शर्मा

काठमाडौं । विभाजन र टुटफुटले सकिन लागेको माओवादी आन्दोलन फेरि…

३० वर्षे कलिलो उमेरमै बेलायतमा अस्ताए एक नेपाली युवा

३० वर्षे कलिलो उमेरमै बेलायतमा अस्ताए एक नेपाली युवा ३ हप्ता पहिले | संसार न्यूज़

२५ भदौ, युके । बेलायतमा एक नेपाली युवाको मृत्यु भएको…

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड

काण्डै काण्डले चर्चित बने कांग्रेस मेयर शिव गिरी, यस्ता छन् उनका ६ काण्ड ३ हप्ता पहिले | संसार न्यूज़

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना…

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ?

तमादीको पहिरोमा एक्लै बाँचेकी घाईते मनिषाको प्रश्न : घरका सबै बितेका हुन र ? ३ दिन पहिले | संसार न्यूज़

स्याङ्जा । बिहिबारको बिहानले स्याङ्जा वालिङ, तमादीकी मनिषा नेपालीलाई अत्यन्तै…