काठमाडौं । औषधी व्यवस्था विभागले थप ४ स्यानीटाईजर कम्पनीमाथि प्रतिबन्ध लगाएको छ । विभागले बुधबार एक सूचना सार्वजनिक गर्दै स्वास्थ्यमा गम्भीर असर गर्ने विषाक्त रसायन मिथानोल भेटिएपछि थप ४ कम्पनीका स्यानिटाइजरमाथि प्रतिबन्ध लगाएको हो ।
विभागले प्रतिबन्ध लगाएका स्यानिटाइजरमा तोकिएको मापदण्डविपरीत विषाक्त रसायन मिथानोल समावेश भएको पाइएको र सो प्रयोग गर्दा स्वास्थ्यमा गम्भीर नकारात्मक असर पर्ने देखिएको बताएको छ । विभागले त्यस्ता स्यानिटाइजर प्रयोग नगर्न नराउन र त्यस्ता स्यानिटाइजरहरुको उत्पादन तथा बिक्रीवितरण अबिलम्ब रोक्न पनि सरोकारवाला निकायलाई सूचित गरेको छ।
यी हुन प्रतिबन्ध लगाइएका स्यानिटाईजर
१. चीनको ग्वाङझाओ ओबोपेकल फाइन केमिकल कम्पनी लिमिटेडद्वारा उत्पादित ओपेकल नन–वासिङ एन्टीब्याक्टेरियल सोलुसन
२. सम्पदा हेल्थकेयर प्रालि इमाडोल ललितपुरको सासा इन्स्ट्यान्ट ह्याण्ड स्यानिटाइजर
३. आरएल कर्प इण्डिया बालसद गुजरात भारतको पामाकेयर इन्स्ट्यान्ट ह्याण्ड स्यानिटाइजर
४. श्रीनाथ हर्बल एण्ड कस्मेटिक इण्डस्ट्री काठमाडौंको युनिकेयर इन्स्ट्यान्ट ह्याण्ड स्यानिटाइजर
वि.सं.२०७७ भदौ ३१ बुधवार १२:५४ मा प्रकाशित