३१ भदौ, काठमाडौं । साताको चौथोे दिन बुधबार सेयर बजार परिसूचक सामान्य अंकको बढेको छ । अघिल्लो दिनको तुलनामा परिसूचक ५.३६ अंकले बढेर १५४१.४० बिन्दुमा पुगेको नेप्सेले जनाएको छ । त्यस्तै ठूला कम्पनीको कारोबार मापक सेन्सेटिभ पनि ०.८३ अंकले बढेर ३०५.४८ बिन्दुमा पुगेको छ ।
आजको बजारमा सूचिकृत कम्पनी मध्ये १९४ कम्पनीको १ अर्ब ८४ करोड ५६ लाख ३४ हजार ३० रुपैंयाँ बराबरको ६३ लाख ९० हजार ८३ कित्ता सेयर किनबेच भएको पनि नेप्सेले जनाएको छ । तिनको कारोबारमा ३० हजार ५९० पटक लेनदेन भएको छ ।
आज बैंकिङ् बाहेक सबै ११ वटै कम्पनी उपसूचक समूहको परिसूचक उकालो लागेको छ । तिनीहरुमध्ये होटल समूह चम्कीएको छ । उसको सूचक सबैभन्दा धेरै १४२.८१ अंकले बढेको छ भने त्यसलाई पछ्याउँदै जीवन बीमा समूहको सूचक ७२.१४ अंकले बढेको छ । सरकारले असाेज १ गतेबाट हाेटल क्षेत्र खुल्ला गर्ने निणार्य गरेसंगै त्यसकाे असर याे क्षेत्रमा परेकाे जस्ताे देखिएकाे छ ।
आजको बजारमा ९७ कम्पनीका लगानीकर्ताहरुले कमाएका छन भने ५५ कम्पनीका लगानीकर्ताहरुले गुमाएका छन् । त्यस्तै १७ कम्पनीको सूचकमा कुनै पनि परिवर्तन आएको छैन ।
सूचकमा सामान्य सुधार देखिंदा कारोबार रकमका आधारमा नेपाल पूनर्बीमा कम्पनी शिर्ष स्थानमा कायमै रह्यो । उसको आज ९ करोड ३१ लाख ९६ हजार २४० रुपैंया बराबरको कारोबार गर्यो । बजार बन्द हुँदा उसको प्रतिकित्ता सेयरमूल्य ८८४ रहेको थियो ।
त्यस्तै नेपाल लाईफ इन्स्योरेन्सको ६ करोड ४६ लाख ७७ हजार १४२ रुपैंयाँ बराबरको कारोबार भएको छ भने नागरिक लगानी कोषका ५ करोड ६२ लाख ८७ हजार ९५० रुपैंयाँ बराबरको सेयर कारोेबार भएको छ ।
कारोबार संख्याको आधारमा भने सिटिजन म्युचुअल फण्ड १ शिर्ष स्थानमा रह्यो । उसको २ लाख ८ हजार ५४० कित्ता सेयर किनबेच भएको छ । त्यस्तै नेशनल हाईड्रो पावर, अरुण काबेली हाईड्रो पावर, तथा अपि पावर कम्पनी क्रमशः दोस्रो, तेस्रो र चौथो स्थानमा रहेका छन ।
Market Summary | |
Total Turnover Rs: | 1,845,634,030 |
Total Traded Shares | 6,390,083 |
Total Transactions | 30,590 |
Total Scrips Traded | 194 |
Index | Current | Points Change | %Change | ||
NEPSE | 1,541.40 | 5.36 | 0.35 | ||
Sensitive | 305.48 | 0.83 | 0.27 | ||
Float | 106.45 | 0.3 | 0.28 | ||
Sen. Float | 100.19 | 0.14 | 0.14 | ||
Sub-Indices | Current | Points Change | %Change | |
Banking | 1,221.31 | 4.58 | 0.37 | |
Trading | 1,010.27 | 20.93 | 2.12 | |
Hotels | 1,723.03 | 142.81 | 9.04 | |
Development Bank | 1,771.91 | 2.08 | 0.12 | |
HydroPower | 1,201.67 | 54.09 | 4.71 | |
Finance | 684.90 | 1.13 | 0.16 | |
Non Life Insurance | 8,147.88 | 42.37 | 0.52 | |
Manu.& Pro. | 3,052.85 | 2.82 | 0.09 | |
Others | 1,012.00 | 1.48 | 0.15 | |
Microfinance | 2,593.25 | 4.87 | 0.19 | |
Life Insurance | 9,830.07 | 72.14 | 0.74 | |
Mutual Fund | 10.86 | 0.06 | 0.51 |
वि.सं.२०७७ भदौ ३१ बुधवार १६:११ मा प्रकाशित