असोज ७, काठमाडौँ । राजिस्थान रोयल्सले आईपिएलमा विजयी सुरुवात गरेको छ । हिजो भएको खेलमा चेन्नाई सुपर किंग्सलाई राजिस्थान रोयल्सले १६ रनले पराजित गरेको हो ।
टस हारेर पहिले ब्याटिङ्ग गरेको राजिस्थानले रोयल्सले २० ओभरमा ७ विकेट गुमाएर २१६ रन बनाएको थियो । राजिस्थानका लागि ब्याटिङ्गमा संजु श्यामशनले ३२ बलमा ७४ रनको विस्फोट पारी खेलेका थिए । त्यसैगरी कप्तान स्टीवन स्मिथले ६९ रन र जोफ्रा आर्चरले २७ रन बनाएका थिए ।
२१७ रनको बिशाल लक्ष्य पछाएको चेन्नाईले २० ओभरमा ६ विकेट गुमाएर २०० रन मात्र बनाउन सक्यो । चेन्नाईमा लागि फाफ डुप्लेसिसले ३७ बलमा ७२ रन पारी खेले पनि टिमलाई जित भने दिलाउन सकेन्न ।
चेन्नाई विरुद्ध १६ रनले जित निकालेसँगै राजिस्थानले आफ्नो पहिलो खेलबाट २ अंक जोडेको छ ।
वि.सं.२०७७ असोज ७ बुधवार ०९:३४ मा प्रकाशित