११ असोज । विश्वभरमा महामरीको रुपमा फैलिएको कोरोना भाइरस संक्रमणको कारण ब्राजिलमा मृत्यु हुनेको संख्या १ लाख ४१ हजार नाघेको छ ।
गत २४ घण्टामा कोरोना संक्रमणबाट ७ सय ३२ जनाको मृत्युपछि ब्राजिलमा यस प्रकोपबाट ज्यान गुमाउने व्यक्तिको संख्या १ लाख ४१ हजार ४ सय ४१ पुगेको हो ।
ब्राजिलमा गत २४ घण्टाको समय अवधिमा २५ हजार ५ सय ३६ जना नयाँ संक्रमित थपिएपछि ब्राजिलमा कुल संक्रमित संख्या ४७ लाख १८ हजार १ सय १५ पुगेको छ ।
वि.सं.२०७७ असोज ११ आइतवार १०:४९ मा प्रकाशित