Sansar News- Online for Global Nepali

उपत्यकामा अत्यावश्यक बाहेकका सेवा बन्द

संसार न्यूज़
१ हप्ता पहिले
उपत्यकामा अत्यावश्यक बाहेकका सेवा बन्द

१ कार्तिक, काठमाडौँ । काठमाडौं उपत्यकाका तीनवटै जिल्लामा अत्यावश्यक बाहेकका सम्पूर्ण सेवा बन्द गरिएको छ । उपत्यकामा कोरोना भाइरसको सङ्क्रमणको दर अत्याधिक रुपमा बढीरहेको सन्दर्भमा कार्यालयकै कर्मचारीमा पनि कोरोना सङ्क्रमण पुष्टि हुन थालेपछि सेवाग्राहीहरुमा समेत फैलन सक्ने उच्च जोखिम रहेको भन्दै तीनवटै कार्यालयले अर्को सूचना प्रकाशन नभएसम्मका लागि अत्यावश्यक बाहेकका सेवा बन्द गरेका हुन् ।

जिल्ला प्रशासन कार्यालय काठमाण्डौंले असोज २८ गतेदेखि बुधबार देखि नै अत्यावश्यक बाहेकको सेवा बन्द गरेकोमा ललितपुर र भक्तपुरले पनि सूचना जारी गरी कार्तिक २ गते देखि अत्यावश्यक बाहेकका सबै सेवा बन्द गर्ने जनाएका छन् ।

जिल्ला प्रशासन कार्यालय भक्तपुरले शुक्रबार जारी गरेको सूचनामा अर्को सूचना नभएसम्मका लागि अत्यावश्यक सेवाबाहेकका अन्य सेवाहरु बन्द गरिएको जनाइएको छ ।

सूचनामा शान्ति सुरक्षासम्बन्धी, ठाडो निवेदन र उजुरी सम्बन्धी, मुद्दाको सुनुवाइसम्बन्धी र विपद् व्यवस्थापन सम्बन्धी मात्र सेवा पाइन र उल्लेदित बाहेकका अरु सेवा हाललाई स्थगित गरिएको उल्लेख छ।

त्यस्तै जिल्ला प्रशासन कार्यालय ललितपुरले पनि कोभिड- १९ संकट व्यवस्थापन केन्द्र, सम्बन्धीत सबै सरोकारवाला निकाय, स्वास्थ्य
विज्ञ, सुरक्षा निकायसमेतको छलफल, परामर्श एवम् निष्कर्षका आधारमा कार्तिक २ गते देखि अर्को सूचना जारी नभएसम्मको लागि जिल्लाका अत्यावश्यक बाहेकका सेवा बन्द गरिएको जनाएको छ ।

जिल्ला प्रशासन कार्यालय काठमाडौंले असोज २८ गते बुधबारदेखि नै अर्को सूचना नआएसम्मका लागि भन्दै अत्यावश्यक बाहेकका सबै सेवा स्थगित गरिसकेको छ ।

 

सर्बाधिक पढिएको

रेलगाडीको ठक्करबाट अमेरिकामा नेपाली युवतीको मृत्यु

रेलगाडीको ठक्करबाट अमेरिकामा नेपाली युवतीको मृत्यु २ हप्ता पहिले | संसार न्यूज़

२९ असोज, अमेरिका । रेलगाडीको ठक्करबाट अमेरिकाको क्विन्समा एक नेपाली…

अन्य जिल्लाबाट पर्वत छिरे १४ दिन क्वारेन्टिन (सूचनासहित)

अन्य जिल्लाबाट पर्वत छिरे १४ दिन क्वारेन्टिन (सूचनासहित) २ हप्ता पहिले | संसार न्यूज़

काठमाडौं । अन्य जिल्लाबाट पर्वत जिल्ला गएमा १४ दिन होम…

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु

पिसीआर रिर्पोट नेगेटिभ बोकेर ओमानबाट घर फर्किएका कार्कीको कोरोना संक्रमणबाट मृत्यु ३ हप्ता पहिले | संसार न्यूज़

२१ असोज, काठमाडौं । पिसीआर रिर्पोट नेगेटिभ भएको प्रमाण बोकेर…

स्वनामलाई बचाउन संयुक्त विज्ञप्ति

स्वनामलाई बचाउन संयुक्त विज्ञप्ति १ हप्ता पहिले | संसार न्यूज़

२ कार्तिक, काठमाडौँ । माक्र्सवादी चिन्तक तथा बामपन्थी नेता स्वनाम…