Sansar News- Online for Global Nepali

मिर्गौला रोगले पीडित राईलाई अमेरिकाबाट ६ लाख बढी आर्थिक सहयोग

संसार न्यूज़
१ महिना पहिले
मिर्गौला रोगले पीडित राईलाई अमेरिकाबाट ६ लाख बढी आर्थिक सहयोग

मिर्गौला रोगले पीडित टिकाराम राईलाई अमेरिकाबाट ६ लाख ८ हजार सहयोग गरिएको छ ।

टेम्कैमैयुङ गाउँपालिका भोजपुर घर भइ दुवै मिर्गौलामा समस्या आएपछि हाल नखिपोट १४ मा डेरामा बसेर उपचार गराइरहेका राईलाई युनाइटेड किराँत राई अर्गनाइजेसन अफ अमेरिकाको क्यालिफोर्निया च्याप्टरका सभापति जोरबिर राईको पहलमा छ लाख आठ हजार रुपैयाँ सहयोग संकलन गरेर पठाइएको हो ।

उक्त सहयोगका लागि जनजाति महासंघ क्यालिफोर्नियाका सभापति देव किराँत राई, किलन राई र टक्सन राईहरूले विशेष सहयोग गरेका थिए ।

उक्त सहयोग रकमका लागि सुसाना लामा राईले “Go Fund” तयार गरेर सहयोग गरेकी थिइन् भने राम खनाल, दुर्गा राई र समाजसेवी सोना शेर्पाले सबैलाई सहयोगको लागि आव्हान् गरेका थिए ।

सहयोगको क्रममा न्यूयोर्कस्थित लामा एकाउन्टिङ्गका मालिक नामगेल लामाले १ लाख २५ हजार सहयोग गरेका थिए । लामाले राईलाई मात्र नभएर अन्य विभिन्न समस्यामा परेकाहरुलाई समेत सहयोग गर्दै आएका छन् भने अमेरिकामा रहेका धेरै संगठनहरूलाई सहयोग गर्नेमा लामा अंग्रपंक्तिमा रहने व्यक्ति हुन् ।

लामाको उक्त सहयोग प्रति आभार व्यक्त गर्दै विरामी टिका राम राईले धन्यवाद दिएका थिए ।

यसैगरी न्यूयोर्कमा रहेका समाजसेवी हेम थापाले पनि नेपाली २३ हजार चारसय बराबरको सहयोग गरेका थिए । साथै अमेरिकाका विभिन्न राज्यमा रहेका नेपाली दाजुभाई तथा दिदीबहिनीहरुले उक्त रकम सहयोग गरेका थिए ।

राईको उपचारका लागि संकलित उक्त सहयोग रकम न्युयोर्कबाट केशव राम राईले समाजसेवी भोलामणि हार्तम्छाली राईलाई अक्टोबर १८ मा पठाएका थिए ।

उक्त रकम कमला राईलाई हस्तान्तरण गरिएको छ । जुन सहयोग संकलन गर्नुको लागि समाजसेवी सीमा राईले पहल गरेकी छन् । किराँत राई अर्गनाइजेशन अफ अमेरिका क्यालिर्फोनिया च्याप्टरका सभापति जोर विर राईले किराँतराई यायोक्खा नेपालको केन्द्रीय समितिले कमला राईलाई रू १० हजार सहयोग गरेकोमा विशेष धन्यवाद दिएका छन् ।
किराँत राई यायोक्खाको केन्द्रीय सभापति दिवस राई किराँतले किराँत राई यायोक्खाको कार्यालय काठमाडौंमा उक्त रकम हस्तान्तरण गरेका थिए ।

सहयोग संकलनको लागि नेपालबाट समाजसेवी सीमा राईले किराँत राई यायोक्खा मार्फत विभिन्न देशमा अनुरोध गरेकी थिइन् । जसमा वर्तमान किराँत राई यायोक्खाको केन्द्रीय महासचिव जनक राईले विशेष सहयोग गरेको सीमाले बताइन् ।

उक्त सहयोग हस्तान्तरण कार्यक्रममा नेपाली सहकारी तथा बचतको अध्यक्ष समाजसेवी भोलामणि हार्तम्छाली राईका प्रतिनिधि दिपेश मगर तथा साकेला गाउँपालिका वार्ड नम्बर २ की श्रीमती मन्जु राई, रोमन फुयाँल, गायक अग्नि राई, रिदम अनलाइनकी संचालक सम्पदा लिम्बु र उनकी सहयोगी ऋतु राज लिम्बु तथा टिका राईका श्रीमती र छोराको उपस्थिति थियो ।

सर्बाधिक पढिएको

नेपाली सेनाले माग्यो सिभिल कर्मचारी

नेपाली सेनाले माग्यो सिभिल कर्मचारी ४ दिन पहिले | संसार न्यूज़

११ मंसिर, काठमाडौं । नेपाली सेनाले करार सेवामा जनशक्तिको माग…

ठूलो संख्यामा लोक सेवाको विज्ञापन ( हेर्नुस् यो सूचना)

ठूलो संख्यामा लोक सेवाको विज्ञापन ( हेर्नुस् यो सूचना) ७ दिन पहिले | संसार न्यूज़

८ मंसिर, काठमाडौँ । बागमती प्रदेश लोक सेवाले ठुलो सङ्ख्यामा…

यसरी गरे पूर्वसभामुख महराले पत्नीको अन्तिम विदाई (तस्बिरसहित)

यसरी गरे पूर्वसभामुख महराले पत्नीको अन्तिम विदाई (तस्बिरसहित) ४ हप्ता पहिले | संसार न्यूज़

१९ कात्तिक, काठमाडौं ।  पूर्वसभामुख कृष्णबहादुर महराले उपचारका क्रममा मृत्यु…

सेनाका पाँच प्रमुख सेनानीहरु महासेनानीमा बढुवा

सेनाका पाँच प्रमुख सेनानीहरु महासेनानीमा बढुवा ३ हप्ता पहिले | संसार न्यूज़

२७ कार्तिक, काठमाडौँ । नेपाली सेनाका पाँच प्रमुख सेनानीहरु महासेनानीमा…