१५ कात्तिक, काठमाडौं । बडादशैको टीका थाप्न दाजु र भाउजुसँगै दाइको ससुराली गएका युवक मृत फेला परेका छन् । उनको शव बागमती गाउँपालिका– ९ बेतिनीको सामुदायिक भवन नजिकै फेला परेको प्रहरीले जनाएको छ ।
मकवानपुरका प्रहरी नायब उपरीक्षक इन्द्रबहादुर रानाका अनुसार दाईको ससुरालीबाट फर्कने क्रममा सामुदायिक भवनको झ्यालमा ठोक्किँदा झ्यालमा रहेको सीसाले काटेर रगत वढि बग्दा उनको निधन भएको हुन सक्ने प्रहरीको प्रारम्भीक अनुसन्धानमा देखिएको बताएको छ । मृन्युभएका उनले अधिक रुपमा मादक पदार्थ सेवान गरेकाले उक्त घटना भएको उनले जानकारी दिए ।
परिवारका सदस्यहरुका अनुसार कुनै झगडा नभएपनि मादक पदार्थ सेवान भने गरेको भन्ने बताएको प्रहरीले जनाएको छ । उनको शवलाई हेटौंडा अस्पतालमा राखेर घटनाको थप अनुसन्धान भइरहेको प्रहरीले जनाएको छ ।
वि.सं.२०७७ कात्तिक १५ शनिवार १३:२० मा प्रकाशित