Sansar News- Online for Global Nepali

दोर्दीमा आजदेखि पठनपाठन शुरु

संसार न्यूज़
२ महिना पहिले
दोर्दीमा आजदेखि पठनपाठन शुरु

३ मंसिर, लमजुङ । दशैँअघिबाट बन्द दोर्दी गाउँपालिकाका विद्यालयमा आजदेखि पठनपाठन शुरु गरिएको छ । कोभिड–१९ ले बन्द भएको पालिकाका सबै विद्यालयमा स्वास्थ्य सुरक्षा सावधानी अपनाउँदै पठनपाठन शुरु गरिएको हो ।

गाउँपालिका शिक्षा समितिको गत कात्तिक ५ गते बसेको बैठकले कात्तिक ७ गतेबाट बन्द गर्ने र मङ्सिर ३ गतेदेखि सञ्चालन गर्ने निर्णयअनुसार नै पालिकाका विद्यालयमा पठनपाठन शुरु गरिएको गाउँपालिका शिक्षा शाखाका शिक्षा अधिकृत भीमप्रसाद लामिछानेले बताए ।

कोरोना सङ्क्रमणको जोखिमका कारण लकडाउन तथा निषेधाज्ञा जारीले गर्दा बन्द रहेको लामो समयपछि गत असोज ११ गतेबाट यस पालिकामा पठनपाठन शुरु भएको केही हप्ता नपुग्दै कोरोनाको कारण पुनः विद्यालय सो समयदेखि बन्द रहेको थियो । आगामी दिनदेखि भने निरन्तर पठनपाठन हुने तयारीमा रहेको र केही दिनमा बैठक बसेर निर्णय गर्ने शाखा प्रमुख लामिछानेको भनाइ छ ।

शिक्षा शाखाका अनुसार २० जना भन्दा कम विद्यार्थी रहेको प्रावि तहको विद्यालयमा नियमित रुपमा पठनपान शुरु हुने भएका छन् । सोभन्दा धेरै विद्यार्थी रहेका निमावि र माविमा जोर विजोरका आधारमा सिकाइ सहजीकरण गरिने भएको छ । पालिकाभर मावि आठ, निमावि नौ र ३५ प्रावि छन् ।

पालिकामा एउटा निजी आवासीय प्रावि र अन्य सबै सरकारी विद्यालय छ । पालिकाभर तीन हजार ५०० विद्यार्थी रहेका छन् । उनले भने, “बिहान दशदेखि दिउँसो ३ बजेसम्म विद्यालयमा पठनपाठन हुन्छ, विद्यार्थीलाई अनिवार्य मास्क, स्यानिटाइजर र साबुन पानीले हातखुट्टा धुनेलगायतका सबै स्वास्थ्य सावधानी अपनाउन लगाइएको छ ।

पहिलो दिन भएकाले उल्लेखनीय रुपमा भने विद्यार्थी सहभागी भएको छैनन् ।” त्यस्तै, जिल्लाका अन्य पालिकाका विद्यालय सञ्चालनको तयारीमा रहेको छ । रासस

सर्बाधिक पढिएको

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल

पानीमा डुबेका विदेशी नागरिकको उद्धार गर्दा युएईमा यसरी फसे दुई नेपाली युवा, सहयोगको अपिल ४ दिन पहिले | संसार न्यूज़

४ माघ, काठमाडौं । युएईमा कार्यरत स्याङजाका डायमण्ड श्रेष्ठ र…

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु ६ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि १ हप्ता पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली ३ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…