Sansar News- Online for Global Nepali

हाँडीगाउँको प्रवद्र्धन र विकासका लागि रु एक करोड बजेट

संसार न्यूज़
२ हप्ता पहिले
हाँडीगाउँको प्रवद्र्धन र विकासका लागि रु एक करोड बजेट

४ मंसिर, काठमाडौं । काठमाडौंँ महानगरपालिकाका प्रमुख विद्यासुन्दर शाक्यले काठमाडौंको ऐतिहासिक सांस्कृतिक क्षेत्र हाँडीगाउँको प्रबद्र्धन र विकासका लागि विशेष बजेट व्यवस्था गरिएको जानकारी दिएका छन् ।

काठमाडौँ–५ मालीगाउँस्थित ऐतिहासिक ध्येः छेंः को पुनर्निर्माणका लागि स्थलगत निरीक्षण गर्दै शाक्यले सो क्षेत्रको अनुसन्धानका लागि रु एक करोड व्यवस्था गरिएको र महानगरपालिकाका तर्फबाट चाँडै सो क्षेत्रका पुरातात्विक सम्पदाको अध्ययन गरिने बताए।

काठमाडौं उपत्यकामा साँखुपछि दोस्रो पुरानो बस्ती हाँडीगाउँ क्षेत्रमा पुराना मठमन्दिर, जात्रा तथा पर्वकोे संरक्षण तथा प्रबद्र्धन गर्नु महानगरपालिकाको आफ्नो दायित्व रहेको स्पष्ट गर्दै शाक्यले मैतीदेवी मन्दिरको खट तथा देवता राख्ने घरको मङ्सिरभित्र परम्परागत स्वरूपमा शिलान्यास गरिने जानकारी पनि दिए ।

काठमाडौंँस्थित मैतीदेवीलाई गोरखाको प्रसिद्ध मनकामना माई देवीको दिदीका रुपमा लिइन्छ । विभिन्न जात्रा तथा पर्वका अवसरमा मैतीदेवी मन्दिरमा लगिने तथा विभिन्न स्थान घुमाइने खट तथा देवता राखिने घर ‘ध्येः छेंः’ को निर्माण अनुमानित लागत रु दुई करोड ६ लाख छ ।

काठमाडौंँ क्षेत्र नं ५ ९क० वाग्मती प्रदेशसभा सदस्य नारायण सिलवाल, तत्कालीन संविधानसभा सदस्य रत्न गुरुङ, कामपा– ५ का वडाध्यक्ष रमेश डङ्गोललगायत सो क्षेत्रको निरीक्षण गरेका थिए ।

स्थानीय सरोकार पक्षको उपभोक्ता समिति गठन गरेर भवन बनाउने तयारी भएको प्रदेशसभा सदस्य सिलवालले जानकारी दिए । मालीगाउँमा परापूर्वकालमा देवता तथा खट राख्ने ‘ध्येः छेंः’ बनाइएको थियो ।

सो भवन जीर्ण भएपछि आधुनिक रुपमा पुनर्निर्माण गरिएको थियो । अब भने प्राचीन शैलीमै निर्माण गरिने जनाइएको छ । सो भवनमा नेवार समुदायले भाइटीका तथा म्हपूजासमेत गर्दै आएको छ । रासस

सर्बाधिक पढिएको

नेपाली सेनाले माग्यो सिभिल कर्मचारी

नेपाली सेनाले माग्यो सिभिल कर्मचारी ५ दिन पहिले | संसार न्यूज़

११ मंसिर, काठमाडौं । नेपाली सेनाले करार सेवामा जनशक्तिको माग…

ठूलो संख्यामा लोक सेवाको विज्ञापन ( हेर्नुस् यो सूचना)

ठूलो संख्यामा लोक सेवाको विज्ञापन ( हेर्नुस् यो सूचना) १ हप्ता पहिले | संसार न्यूज़

८ मंसिर, काठमाडौँ । बागमती प्रदेश लोक सेवाले ठुलो सङ्ख्यामा…

यसरी गरे पूर्वसभामुख महराले पत्नीको अन्तिम विदाई (तस्बिरसहित)

यसरी गरे पूर्वसभामुख महराले पत्नीको अन्तिम विदाई (तस्बिरसहित) ४ हप्ता पहिले | संसार न्यूज़

१९ कात्तिक, काठमाडौं ।  पूर्वसभामुख कृष्णबहादुर महराले उपचारका क्रममा मृत्यु…

सेनाका पाँच प्रमुख सेनानीहरु महासेनानीमा बढुवा

सेनाका पाँच प्रमुख सेनानीहरु महासेनानीमा बढुवा ३ हप्ता पहिले | संसार न्यूज़

२७ कार्तिक, काठमाडौँ । नेपाली सेनाका पाँच प्रमुख सेनानीहरु महासेनानीमा…