Sansar News- Online for Global Nepali

कविता: तिमी कस्तो मान्छे ?

छवि वैरागी घिमिरे, मोरङ
१ हप्ता पहिले

लायो खायो रहर रमिता स्वार्थ रोज्दै छ मान्छे
लोभी भाँडो किन यति छिटो भर्न खोज्दै छ मान्छे ।
नाङ्गो आयो अब पनि पुनः नाङ्गिने नै छ मान्छे
जल्दाजल्दै परिदहनमा बाङ्गिने नै छ मान्छे ।।

लड्दै भिड्दै किन समरमा हामफाल्दै छ मान्छे
खानाबाटै कहर अमिलो रोग पाल्दै छ मान्छे ।
भोकै नाङ्गै भिख डगरमा माग्न ठोकिन्छ मान्छे
पुस्तालाई बचत धनको गर्न झोकिन्छ मान्छे ।।

रक्सी भट्टी दिनहुुँ झगडा छोड्न मान्दैन मान्छे
मैले गल्ती अलिकति गरेँ मूर्ख ठान्दैन मान्छे ।
बाआमाका रगत पसिना मान गर्दैन मान्छे
आफू फ्याट्टै यस भुवनमा फ्यात्त झर्दैन मान्छे ।।

मोटोघाटो उधुम बलियो मै हुँ भन्दिन्छ मान्छे
दम्भी स्वाँठे अधम मतिको विज्ञ बन्दिन्छ मान्छे ।
ठूलोसानो दलित निमुखा जातको भेद मान्छे
प्रेतात्माझैँ अति अगतिलो रातको छेद मान्छे ।।

बाँड्ने दाता नरम मनको धर्म सोच्ने छ मान्छे
कैले मर्ला अनि बगरमा बाँस घोच्ने छ मान्छे ।
ज्ञानी ध्यानी गुरु भनिदिए मख्ख पर्ने छ मान्छे
यस्तै विद्वान् यदि अब बढे फुत्त झर्ने छ मान्छे ।।
छन्द ः मन्दाक्रान्ता ।

सर्बाधिक पढिएको

नेपाली सेनाले माग्यो सिभिल कर्मचारी

नेपाली सेनाले माग्यो सिभिल कर्मचारी ५ दिन पहिले | संसार न्यूज़

११ मंसिर, काठमाडौं । नेपाली सेनाले करार सेवामा जनशक्तिको माग…

ठूलो संख्यामा लोक सेवाको विज्ञापन ( हेर्नुस् यो सूचना)

ठूलो संख्यामा लोक सेवाको विज्ञापन ( हेर्नुस् यो सूचना) १ हप्ता पहिले | संसार न्यूज़

८ मंसिर, काठमाडौँ । बागमती प्रदेश लोक सेवाले ठुलो सङ्ख्यामा…

यसरी गरे पूर्वसभामुख महराले पत्नीको अन्तिम विदाई (तस्बिरसहित)

यसरी गरे पूर्वसभामुख महराले पत्नीको अन्तिम विदाई (तस्बिरसहित) ४ हप्ता पहिले | संसार न्यूज़

१९ कात्तिक, काठमाडौं ।  पूर्वसभामुख कृष्णबहादुर महराले उपचारका क्रममा मृत्यु…

सेनाका पाँच प्रमुख सेनानीहरु महासेनानीमा बढुवा

सेनाका पाँच प्रमुख सेनानीहरु महासेनानीमा बढुवा ३ हप्ता पहिले | संसार न्यूज़

२७ कार्तिक, काठमाडौँ । नेपाली सेनाका पाँच प्रमुख सेनानीहरु महासेनानीमा…