कणकणमा भगवान भएझै
मानवको जाति जातिमा छ
एक एक भाषा
चाहे नेपाली होस्
बर्मेली या अरबी
अंग्रेजी, रुसी, फ्रान्सेली या पुर्तगाली
त्यसैले म भन्ने गर्छु
भाषानै भगवान हो ।
आमाले कानेखुसी गरेको
प्रत्येक जातजातिका
मानवले आ–आफ्नो हावभावमा
भिन्नाभिन्नै घरघरै बोल्ने,
गाउने र स्तुति गर्ने
आफ्नो जन्मसिद्ध अधिकार मानेको
आफ्नो हो भनेर गर्व गर्न सकिने
त्यहिनै हुनुपर्छ आफ्नो भाषा ।
मातृभाषा नामले धन्य भएको
त्यसैले म भन्ने गर्छु
भाषानै भगवान हो
भाषा बिना जान्दिन लेख्न मैले कविता
भाव पुराना मात्र छन्
शब्दमा छैन नविनता छैन्
चिन्तनशील भएर लेख्दा पनि
पढ्ने जतिले भन्दिन्छन्
ठीक छैन कविता ।
अनेक शब्दलाई जोडेर लेख्छु
ठीक छैन भनिदिन्छन्
पाना च्यातेर फ्याकिदिन्छु
कविहरु कसरी लेख्छन् कविता
प्राचिनलाई पनि शब्दले बनाई नबिनता ।
ममा किन छैन कविता लेख्ने शीप
के म भित्र
बल्न सक्दैन कवित्वको दीप
अझै पनि म कोशिस् गर्छु
लेख्न कविता
भाषानै भगवान हो भनिदिएता ।
वि.सं.२०७७ मंसिर ६ शनिवार १०:११ मा प्रकाशित
