७ मंसिर, काठमाडौं । क्रिस्टियानो रोनाल्डोको लय कायमनै रहदा युभेन्ट्सले काग्लियारीलाई खेलमा हाबी रहदौ जीत निकाल्यो । युभेन्ट्सले काग्लियारीलाई २-० ले पराजित गरेको खेलमा दुबै गोल स्टार स्ट्राइकर रोनाल्डोले गरे । उनले दुबै गोल चार मिनेटको अन्तरमा गरेको हुन् ।
जितका साथै युभेन्ट्स अंक तालिकामा दोस्रो स्थानमा उक्लेको छ । युभेन्ट्सका लागि खेलको ३८औं र ४२औं मिनेटमा दुबै गोल रोनाल्डोले गरे दुई गोलसँगै रोनाल्डोले सिरी ए को सर्वाधिक गोलकर्ताको सूचीमा ज्लाटन इब्राहिमोभिचसँग बराबरी ८ गोल गरेका छन् ।
बार्सिलोनाको तेस्रो हार
एट्लेटिको मड्रिडले घरेलु मैदान वान्डा मेट्रोपोलिटानोमा बार्सिलोनालाई पराजित गरेको छ । यो सिजन उत्कृष्ट प्रदर्शन गर्दै आएको एट्लेटिकोले पहिलो हाफको इन्जुरी टायममा गोल गर्दै खेल आफ्नो पक्षमा पारेको हो ।
जितसँगै एट्लेटिकोले शीर्ष स्थानको रियल सोसिडाडसँग अंक बराबरी गरेको छ । एट्लेटिको जीतमा यानिक करास्कोले ४८ औँ मिनेटमा गोल गरे । एट्लेटिको मड्रिडले १० वर्षपछि स्पानिस ला लिगामा बार्सिलोनालाई पराजित गरेको हो।
उता बार्सिलोना भने सिजनको तेस्रो हारपछि झन् दबाबमा परेको छ बार्सिलोना हाल अंक तालिकाको १० औँ स्थानमा रहेको छ ।
वि.सं.२०७७ मंसिर ७ आइतवार ११:३५ मा प्रकाशित