समाज,
जहाँ म जन्मे
हुर्के, बढे र शिक्षा आर्जन गरें
जहाँ मैले माया ममता
भाषा, संस्कार र संस्कृति सिखे ।
मैले राम्रो वा नराम्रो
जे सिखे
यहि समाजबाट सिखें
मान वा अपमान
जे पाए
यै समाजबाट पाए
म मान्छे बने या पशु
जे बने
यै समाजबाट सिखे र बने ।
त्यसैले ए ! समाज
पहिले तिमी असल बन
सभ्य, शिक्षित र संस्कारी बन
गुणवता बन
मानवता बन
अनि,
म र हामी र सबै
र ,
मेरो यो देश सुन्दर सभ्य बन्छ ।
मान्छेमा गुण र अवगुण
सभ्यताको बिकास
समाजबाट हुन्छ
कलिलो मष्तिकमा चेतना र बिचार
समाजबाट पाउँछ सिख्छ
तसर्थ,
हाम्रो शिक्षा र समाजिक संस्कार
साना र ठुला प्रति गरिने व्यवहार
सभ्य, सुन्दर र गतिलो हुनुपर्छ ।
यौटा बालकले
समाजबाट राम्रो शिक्षा संस्कार पाए
उ राम्रो बन्छ
नराम्रो शिक्षा संस्कार पाए
उ नराम्रो बन्छ
मान्छे असल वा खराब हुनुमा
समाजको महत्वपुर्ण देन र भुमिका हुन्छ ।
त्यसैले ए ! समाज
पहिले तिमी असल बन
सभ्य, शिक्षित र संस्कारी बन
गुणवता बन
मानवता बन
अनि,
म र हामी र सबै
र ,
मेरो यो देश सुन्दर सभ्य बन्छ ।
वि.सं.२०७७ मंसिर १३ शनिवार १०:३९ मा प्रकाशित