१५ मंसिर, काठमाडौं । मेगा बैंक नेपाल लिमिटेडले बैंक खाताबाटै डिजिटल भुक्तानी गर्न मिल्ने प्रणालीको शुरुवात गर्ने भएको छ । बैंकले आफ्ना संस्थागत ग्राहकहरुका लागि बैंक खाताबाटै डिजिटल भुक्तानी गर्न सकिने गरी ‘कर्पोरेट–पे’ प्रणालीको सुरुवात गर्ने भएको हो ।
बैंककी प्रमुख कार्यकारी अधिकृत अनुपमा खुञ्जेली तथा नेपाल क्लियरिङ्ग हाउसका प्रमुख कार्यकारी अधिकृत नीलेशमान सिंह प्रधानले यस सम्बन्धी सम्झौतामा हस्ताक्षर गरेका छन् । यससंगै ग्राहकहरुले बैंकमा नगई रकम स्थानान्तरण, तलब भुक्तानी, भेन्डर पेमेन्ट, सरकारी राजस्व भुक्तानी लगायतका अन्य विभिन्न व्यवसायिक भुक्तानीहरु आफ्नो खाताबाटै सजिलै गर्न सकनेछन् ।
उक्त बैंकको डिजिटल प्रणाली मार्फत कनेक्ट आइपीएस वा एनसीएचएल आइपीएसमा रियल–टाइम वा नन–रियलटाइममा समेत भुक्तानी सम्बन्धी कारोबारहरु गर्न सकिन बैंकले जनाएको छ ।
वि.सं.२०७७ मंसिर १५ सोमवार १२:३७ मा प्रकाशित