पुस २६, काठमाडौं । प्रधानमन्त्री केपी शर्मा ओलीका सल्लाहकार विष्णु रिमालले विवेकशील साझा पार्टीका अध्यक्ष रवीन्द्र मिश्रलाई धम्की दिएका छन् । उनले मिश्रलाई सीमामा बस्न भनेका छन् ।
संसद विघटन र प्रधानमन्त्री ओली पक्षीय आमसभा लक्षित मिश्रको टिप्पणीप्रति आक्रोशित रिमालले मिश्रलाई चेतावनीपूर्णं भाषामा सीमामा बस्न र मर्यादा नघान्न भनेका हुन् ।
‘कस्तो समय आयो ! पूर्व प्रधानन्यायाधीशहरूले विचाराधीन मुद्दामा बोल्नु पर्ने । प्रधानमन्त्रीरराष्ट्रपतिले संविधान खुल्लमखुल्ला कुल्चिने। काण्डैकाण्ड गर्ने प्रधानमन्त्रीको भाषण सुन्न हजारौं जम्मा हुने। महाभ्रष्ट नेताले भ्रष्टाचार विरुद्ध र्याली आह्वान गर्दा हजारौं सरीक हुने।अब अति भो !’, मिश्रले सामाजिक सञ्जालमा लेखेका थिए ।
जसबाट आक्रोशित रिमालले धम्कीपूर्णं भाषामा मिश्रलाई सीमामा बस्न भनेका छन् । ‘सीमामा बस्नुस् रबीन्द्र जी !, तपाईँको यो ट्वीट टिप्पणी गर्न पनि उपयुक्त छैन ।, यति चाहि भनूँ, मर्यादा नाघ्ने जोसुकै जतिसुकै सेलिब्रिटी भए पनि त्यससँग समयले जवाफ माग्ने छ।’, उनले सामाजिक सञ्जालमार्फत भनेका छन् ।
प्रिय @BishnuRimal जी,
देशको प्रधानमन्त्रीका प्रमुख सल्लाहकारले आमरुपमा र देशका विशिष्ट व्यक्तित्वहरूले गरिरहेको टिप्पणीलाई नै दोहोर्याउँदा “सीमामा बस्नुस्” भनेर धम्कीपूर्ण भाषा प्रयोग गर्नु उपयुक्त हुँदैन थियो। विमती जनाउनुभएको भए भइहाल्थ्यो। सानो सुझाव मात्र। https://t.co/ruPxIfixHW— Rabindra Mishra (@RabindraMishra) January 9, 2021
जसको जवाफमा मिश्रले रिमालको धम्कीपूर्णं भाषा उपयुक्त नभएको बताएका छन् । उनले भनेका छन् , ‘प्रिय विष्णु रिमाल जी, देशको प्रधानमन्त्रीका प्रमुख सल्लाहकारले आमरुपमा र देशका विशिष्ट व्यक्तित्वहरूले गरिरहेको टिप्पणीलाई नै दोहोर्याउँदा ‘सीमामा बस्नुस्’ भनेर धम्कीपूर्ण भाषा प्रयोग गर्नु उपयुक्त हुँदैन थियो। विमती जनाउनुभएको भए भइहाल्थ्यो । सानो सुझाव मात्र।’
मिश्र र मिश्र नेतृत्वको पार्टी विवेकशील साझा पार्टीले प्रधानमन्त्री केपी शर्मा ओली लक्षित विरोधका कार्यक्रम गर्दै आएको छ । भ्रष्टाचारका मुद्दामा विरोध गर्दै आएको साझाले पछिल्लो संसद विघटनको विषयलाई लिएर सडक आन्दोलनसमेत गरिरहेको छ ।
वि.सं.२०७७ पुस २६ आइतवार १३:०२ मा प्रकाशित