२६ पौष, काठमाडौं । सिटिजन्स बैंक इन्टरनेसनल लिमिटेडले जाजरकोट जिल्लाको नलगाड नगरपालिकामा शाखा रहित बैंकिङ्ग सेवा विस्तार गरेको छ । बैंकले नगरपालिकाको कालीमाटी बजारमा १०७ ओैँ शाखारहित बैंकिङ्ग सेवा सुरु गरेको हो ।
उक्त शाखामा बैंकले संचालनका लागि स्थानीय व्यवसायी अमर बहादुर बोहरालाई व्यवसायिक प्रतिनिधि नियुक्त गरेको छ । यस शाखा रहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरुको रकम भुक्तानी लगायत बैंकले प्रदान गर्ने अन्य सेवाहरु उपलब्ध गराउने लक्ष्य राखिएको छ ।
बैंकले १०९ वटा शाखा, ९८ वटा ए.टि.एम. र १०७ वटा शाखा रहित बैंकिङ्ग ईकाईहरुबाट सेवा प्रदान गर्दै आएको छ ।
वि.सं.२०७७ पुस २६ आइतवार १६:२२ मा प्रकाशित