Sansar News- Online for Global Nepali

कोभिडका कारण लण्डनमा पूर्व गोर्खाको निधन

संसार न्यूज़
६ दिन पहिले
कोभिडका कारण लण्डनमा पूर्व गोर्खाको निधन

२७ पुष, लण्डन । कोभिड १९ को संक्रमणबाट बेलायतमा पूर्व गोर्खाका एक अभियन्ताको निधन भएको छ ।

अल्डरसटमा बस्दै आएका ७५ वर्षीय रणबहादुर लिम्बूको शुक्रबार उपचारका क्रममा स्थानीय फर्मली पार्क अस्पतालमा निधन भएको हो । कोभिड संक्रमण भएर अस्पताल भर्ना भएको ९ दिनपछि उनको निधन भएको गेसोले जनाएको छ ।

गेसोले दिएको जानकारी अनुसार लिम्बुको उपचारको क्रममा  ८ जनवरी २०२१ का दिन वेलायत स्थित फ्रिम्लीपार्क अस्पतालमा दुखद निधन भएको हो । अल्डरसट क्षेत्रीय समितिका सल्लाहकारसमेत रहेका लिम्बूको निधनको खबरले सम्पुर्ण गेसो परिवार मर्माहत भएको बताएको छ ।

घरमा सबैजनालाई ज्वरो आएपछि डिसेम्बर २४ मा टेस्ट गराउँदा उनको पति पत्नी र माइला छोरालाई पोजिटिभ देखिएको लिम्बूको श्रीमतीले जानकारी दिएकी छन् । उनलाई श्वासप्रश्वासमा गाह्रो हुन थालेपछि डिसेम्बर ३१ का दिन एम्बुलेन्स बोलाएर अस्पताल लगिएको थियो । अस्पतालमै उपचारका क्रममा लिम्बूको ९ दिनपछि निधन भएको हो ।

परिवारले दिएको जानकारी लिम्बू पहिलेदेखि नै मधुमेहका बिरामी थिए । गतवर्ष मात्रै उनको एउटा खुट्टाको अप्रेसन गरी काटिएको थियो । स्वर्गीय लिम्बूका श्रीमती र तीन छोरा छन् । दुई छोरा बेलायती सेनामै कार्यरत छन् भने कान्छा छोरा बाबुआमासंगै छन् ।

ताप्लेजुङको सिकैचा पुख्र्यौली भएका लिम्बूको परिवार पछि दमकमा सरेको थियो ।सामाजिक कार्यहरुमा रुची राख्ने उनी गोर्खा आन्दोलनमा निकै सक्रिय थिए ।

सर्बाधिक पढिएको

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु

यी हुन् नेपाली सेनाको विभिन्न पदमा लोकसेवा परीक्षामा उत्तीर्ण हुने उम्मेदवारहरु २ दिन पहिले | संसार न्यूज़

  २ माघ, काठमाडौं । नेपाली सेनाको भर्ना छानौट निर्देशनालय…

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि

१६ कम्पनी आइपिओ निष्कासनको पाइपलाइनमा,इन्फ्रास्ट्रक्चर बैंकको आइपिओ माघ २ गतेदेखि ४ दिन पहिले | अजय खत्री

२९ पुष, काठमडौं । सेयर बजारमा पछिल्लो समय सर्वसाधारणको आकर्षण…

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण  हुनेहरुको नामावली

यस्तो छ सैन्य मेडिकल, खेलाडी र ड्राइभर पदको प्रयोगात्मक परीक्षामा उर्तीण हुनेहरुको नामावली २ हप्ता पहिले | संसार न्यूज़

१९ पुस, काठमाडौं । नेपाली सेनाको भर्ना छनौट निर्देशनालय कार्यरथी…

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना

प्रहरीले जारी गर्यो कार्यालय सहयोगी पदमा आवेदन दिएकाहरुका लागि यस्तो सूचना ३ हप्ता पहिले | संसार न्यूज़

१४ पुस, काठमाडौं । नेपाल प्रहरीले कार्यालय सहयोगी पदमा उम्मेदवार…