२९ पुस, काठमाडौं । नेपाली कांग्रेसका नेता गगन कुमार थापाले ऐतिहासिक कमल पोखरीको पुनर्निर्माण कार्य तत्काल रोक्न भन्दै काठमाडौं महानगरपालिकालाई पत्र लेखेका छन् ।
हाल पुनर्निर्माणको कार्य भइरहेको कमल पोखरीको काम तत्काल रोक्न भन्दै थापाले मंगलबार विज्ञप्ति जारी गर्दै भनेका छन्, ‘ २०७६ असारबाट निर्माणधीन कमल पोखरी निर्माणको सम्बन्धमा एकातर्फ निर्धारित समायावधी भन्दा धेरै ढिला भइसकेको छ भने अर्कोतर्फ प्राकृतिक सिमसार नष्ट हुने गरी वास्तविक पोखरी साँघुरो बनाउने, क्रंकिट प्रयोग गर्ने जस्ता विभिन्न कार्य भइरहेकोले हामी सबैको ध्यानाकर्षण भएको छ ।’
यस्तो अवस्थामा हाललाई निर्माण कार्य रोक्न समेत आग्रह गर्दै थापाले पोखरीको डिजाइन पनि उपलब्ध गराइदिन माग गरेका छन् ।
वि.सं.२०७७ पुस २९ बुधवार १३:०० मा प्रकाशित