Sansar News- Online for Global Nepali

कविताः अभिनय गरी बाँच्नु कसरी ?

किशोर कोईराला,ईनरुवा, सुनसरी
१ महिना पहिले

कथा आफैँआफ्नो कलम निबले लेख्छु म भनी ।
सधैँ हत्केलाले किरण रविको छेक्छु म भनी ।।
चिथोर्दै नङ्ग्राले रवि शशि दुबै च्यात्नु कसरी ?।
कथाले माग्दैमा अभिनय गरी बाँच्नु कसरी ?।।१।।

नयाँ बाटो रोज्दै गृहनगर छोडी कति हिँडे ।
सबै नाता गोता सहजसित तोडी कति हिँडे ।।
भिजेका आँखाले मुसुमुसु गरी हाँस्नु कसरी ?।
कथाले माग्दैमा अभिनय गरी बाँच्नु कसरी ?।।२।।

पराई माटोमा रगत पसिना अर्पण गरी ।
पखाल्दैछन् आँखा श्रम शिखर चढ्दै हर घडी ।।
स्वदेशी माटोमा नव युवक ती साँच्नु कसरी ?।
कथाले माग्दैमा अभिनय गरी बाँच्नु कसरी ?।।३।।

सधैँ न्यानो खोज्ने गरल हृदयी मानशिकता ।
बलेको आगोमा नजिक हुन खोज्ने मगजका ।।
नयाँ भुङ्ग्रो खोज्ने मनुज नजिकै डाक्नु कसरी ?।
कथाले माग्दैमा अभिनय गरी बाँच्नु कसरी ?।।४।।

तिमी मेरो भन्दै नजिक हुन आए मनुज ती ।
पुरानो नाताको छलफल चलाई कतिकति ।।
हराएको नाता मगज मनमा गाँस्नु कसरी ?।
कथाले माग्दैमा अभिनय गरी बाँच्नु कसरी ?।।५।।

मदारीको जस्तै चटक रमिता गर्न सकिनँ ।
स्वयं जान्ने बन्दै सुललित कला छर्न सकिनँ ।।
विना बाजागाजा छमछम गरी नाँच्नु कसरी ?।
कथाले माग्दैमा अभिनय गरी बाँच्नु कसरी ?।।६।।

छन्द: शिखरिणी

सर्बाधिक पढिएको

रामकुमारी झाँक्रीलाई राष्ट्रपतिकी छोरी उषाकिरणको प्रश्न – के मेरी आमाको रातो सारी फिर्ता ल्याउन सक्नुहुन्छ ?

रामकुमारी झाँक्रीलाई राष्ट्रपतिकी छोरी उषाकिरणको प्रश्न – के मेरी आमाको रातो सारी फिर्ता ल्याउन सक्नुहुन्छ ? ३ हप्ता पहिले | संसार न्यूज़

माघ १९, काठमाडौं । राष्ट्रपति विद्यादेवी भण्डारीकी छोरी उषाकिरणले रामकुमारी…

सि.स. ६१ अधिकृत क्याडेट पदमा उर्तीण हुनेहरुको नामावली सार्वजनिक

सि.स. ६१ अधिकृत क्याडेट पदमा उर्तीण हुनेहरुको नामावली सार्वजनिक २ हप्ता पहिले | संसार न्यूज़

३ फागुन, काठमाडौं । नेपाली सेनाको भर्ना छनौट निर्देशनालय कार्यरथी…

त्रिभुवन विश्वविद्यालयको परीक्षा आवेदन फारम  सम्बन्धी सूचना

त्रिभुवन विश्वविद्यालयको परीक्षा आवेदन फारम सम्बन्धी सूचना २ हप्ता पहिले | संसार न्यूज़

२ फागुन, काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुद्धारा…

उषाकिरणलाई नेतृ उर्मिला अर्यालको सुझाब – प्रतिगमनकारी बनेकी आमाबाट विद्रोह गर !

उषाकिरणलाई नेतृ उर्मिला अर्यालको सुझाब – प्रतिगमनकारी बनेकी आमाबाट विद्रोह गर ! ३ हप्ता पहिले | संसार न्यूज़

माघ २१, काठमाडौं । विभाजित नेकपाको प्रचण्ड–नेपाल समूहकी नेतृ तथा…