Sansar News- Online for Global Nepali

नेकपा नाममा हानथाप भईरहेका बेला सर्वोच्चमा फेरि खुल्यो ऋषिराम कट्टेलको फाईल

संसार न्यूज़
३ महिना पहिले
नेकपा नाममा हानथाप भईरहेका बेला सर्वोच्चमा फेरि खुल्यो ऋषिराम कट्टेलको फाईल

माघ ६ गते, काठमाडौं । नेपाल कम्युनिष्ट पार्टीका अध्यक्ष ऋषिराम कट्टेलले सर्वोच्च अदालतमा दर्ता गरेको मुद्दा दुई वर्षपछि फेरि पेशीमा चढेको छ । सत्तारुढ नेकपाको विभाजनसँगै पार्टीको नामका बारेमा हानथाप भईरहेका बेला कट्टेलले दर्ता गरेको मुद्दा पेशीमा चढेको हो ।

कट्टेलले २०७५ मंसिर २१ मा नेपाल कम्युनिष्ट पार्टी नामको पार्टी पहिले नै दर्ता भएको भन्दै पुनः नेकपा दर्ता गराएकाले बदर गर्न माग गर्दै सर्वोच्चमा मुद्दा दायर गरेका थिए । तर, मुद्दा निरन्तर स्थगीत र हेर्न नभ्याईनेमा पर्दै आएको थियो । हालसम्म नेकपा नामको मुद्दामा १० पटकसम्म पेशी तारेख तोकिएको छ ।

यसअघि पछिल्लो पटक वैशाख २ र मंसिर १४ मा पेशी तारिख तोकिएर स्थगित भएको थियो ।

तत्कालिन नेकपा एमाले र माओवादी केन्द्रका बीच एकता भएपश्चात निर्वाचन आयोगमा पार्टीको नाम नेपाल कम्युनिष्ट पार्टी (नेकपा) भनेर दर्ता गरिएको थियो । कट्टेलले उक्त नाम यसअघि नै दर्ता भएको र जुधेको भन्दै आयोगमा उजुरी दिएका थिए । तर, आयोगले २०७५ कात्तिक ९ गते उनको विपक्षमा फैसला सुनाएको थियो ।

जसपश्चात कट्टेलले २०७५ मंसिर २१ मा सर्वोच्च अदालतमा मुद्दा दायर गरेका थिए । सर्वोच्चमा दायर गरेको मुद्दा निरन्तर पेशी तारिख तोकिने तर स्थगित हुने हुँदै आएको थियो ।

नेकपा नामको मुद्दा मंगलबार न्यायाधीशद्धय बमकुमार श्रेष्ठ र कुमार रेग्मीको इजलासमा परेको छ । मुद्दाको पेसी पहिलो नम्बरमै तोकिएको छ ।

सत्तारुढ नेकपा विभाजनसँगै नाम र लोगोका विषयमा हानथाप भईरहेको बेला कट्टेलले दायर गरेको मुद्दालाई सक्रिय बनाइनुलाई अर्थपूर्णं रुपमा हेरिएको छ । नेकपा विभाजनसँगै नेकपाको आधिकारिक पक्ष कुन भन्नेमा निर्वाचन आयोगभित्र अहिले बहस छ ।

पार्टी विभाजनसँगै पुष्पकमल दाहाल प्रचण्ड र माधवकुमार नेपाल पक्षले आफुँसँग साबिक बहुमत केन्द्रीय सदस्य रहेको दाबी गरेका छन् भने प्रधानमन्त्री केपी शर्मा ओली पक्षले पनि आफुँ आधिकारिक भएको दाबी गरिरहेका छन् ।

सर्बाधिक पढिएको

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह ४ हप्ता पहिले | संसार न्यूज़

१० चैत, काठमाडौं । नेकपा (एमाले)का युवा नेता दामोदर अर्यालले…

कतारमा रहेका नेपालीहरुका लागि दूतावासले निकाल्यो यस्तो सूचना

कतारमा रहेका नेपालीहरुका लागि दूतावासले निकाल्यो यस्तो सूचना ४ हप्ता पहिले | संसार न्यूज़

१२ चैत्र, काठमाडौँ । कतारस्थित नेपाली दूतावासले कतारमा रहेका नेपालीहरुको जानकारीका…

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… ५ दिन पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

त्रिभुवन विश्वविद्यालयको परीक्षा आवेदन भर्ने\भराउने सम्बन्धी सूचना

त्रिभुवन विश्वविद्यालयको परीक्षा आवेदन भर्ने\भराउने सम्बन्धी सूचना ४ हप्ता पहिले | संसार न्यूज़

८ चैत, काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले…