Sansar News- Online for Global Nepali

कविता: त्यसैले म मौन छु

राधा पाण्डे,गैडाकोट-१६, नवलपरासी
२ हप्ता पहिले
कविता: त्यसैले म मौन छु

वैचारिक तर्कमा घोलिएको स्वार्थको रछ्यान,
दृष्टिले छुट्टाउन सकिनँ र,
सधैं सधैं दुर्गन्धमै लत्पतिएर रहेँ
भन यार !
अब म कसरी चोखिन सक्छु

निर्धन बा,ले
परिवारको समस्या
नबुझेझै गरेको
मैले बुझेर,
दाह्रा किट्किटाउदै बा,को पीडा कैयौंपटक निलेँ,
म कसरी अबुझ छु, यार !

नजानेर गर्भ तुहाउने विधि
विष सेवनले दिदीको मृत्यु हुँदा
मालिकले भने बमोजिम
मुर्छा परेर मरेको बयान दिएर
भाइ बहिनीलाई पेटभरभात निलाएँ,
बा,लाई स्वाभिमान दिलाएँ
सच्चा त म पनि कहाँ छु र, यार !

स्वार्थ लुप्त सखा सखिहरु
चरित्र हत्या गर्न संगठित हुँदा
छिमेकीको लाजले
झुटो लाञ्छना निलेँ
केही हदसम्म त म
तिमी भन्दा लजालु नै छु यार !

दुधले धोइएकाहरु नजिक पर्दा
सिनो,सिनोको हस्को आइरहँदा पनि
आफन्तको सम्बन्ध कायम राख्न
कुहिएको दुर्गन्ध निलेँ, निलिरहें
कुरा छिपाउन त
म पनि सक्छु नि यार !

गेरु बस्त्रधारीहरुको धमिलो नजर,
भृकुटीमा चन्दन लेपन गर्नेहरुको बहिरो पन,
समाजको अग्रपंतिका सेवकहरुको अपांगता पन,
सबै सबै देखेजतिको निलेँ
स्वार्थ त म मा पनि छ
समाजबाट खेदिनँ
कहाँ सक्छु र यार !

पद,पहुँच, धन र यौवनको उन्मादमा
सत्यता फिट्ने निर्लज्ज
एक्का बास्साहरुको खेल रेकर्ड
अब जतनले राख्नेछु
कुनै बेला मैलेपनि ‘सो’
गर्ने दिन आउन सक्छ यार !

काँढाले कोतर्दैमा ऐया,ऐया नगर
पैतालाको खिल चस्काउँदै यात्रा गर्नु पर्छ
झिनामसिना चिथराई त सहनु पर्छ सहु यार !

म सहन्छु र,त
हरेक अँध्यारो रात छिचोल्दै
सधै सुन्दर बिहानी देखेको छु
त्यसैले त म भन्छु-
नयाँ नौलो देख्दैमा नभुकिदिनू
मष्तिष्कले दाँज्नु
चेतनाले सुँघ्नु
स्तरले चिन्नु
उस्को सतह दृष्टि लगाउँनू
देख्दैमा,
नजिक पर्दैमा,
नभुकिदिनू

म सहन्छु
सबै सहदै गएँ भने पो
मेरो मानसिकता पनि सबल होला
अरे यार !
दुनियाँले त म पागल भएको
हेर्ने चाहना बोकेको छ

तिमी मलाई लाचार भन सहि
तर म धर्ती हुँ सबै सहन्छु यार !

माटोमा अनेकौं बीउ छ भन्दैमा
एकैपटक कहाँ उम्रिन्छ र !
फूल पनि त ऋतु ऋतुमा फुल्छ नि

समय बदलिन्छ
यहाँ सबै परिवर्तनशिल छ
तथापि
चेतना बन्दक नबनाउनू यार !

परिस्थितिले लगाएको मुकुण्डो
र,
नियतबस गरेको नाटक बुझ्नु पर्छ

म त सबै सहन्छु, निल्छु
तर निलिसकेको ओकलेर कहिल्यै उग्राउँदिनँ यार !

म बात सहन्छु
लाञ्छना सहन्छु
सके कर्मले मन भरिदिन्छु
कान भरेर मस्तिष्कमा विष कदापि भर्दिनं यार !

म सहन्छु र,त
हरेक अँध्यारो रात छिचोल्दै
सधै सुन्दर बिहानी देखेको छु
त्यसैले त म भन्छु-
नयाँ नौलो देख्दैमा नभुकिदिनू
मष्तिष्कले दाँज्नु
चेतनाले सुँघ्नु
स्तरले चिन्नु
उस्को सतह दृष्टि लगाउँनू
देख्दैमा,
नजिक पर्दैमा,
नभुकिदिनू

जतिखेर पनि बास्ने भालेले
उज्यालोको संकेत दिँदैन यार !
त्यसैले म मिर्मिरे हुदासम्म मौन छु ।

सर्बाधिक पढिएको

सि.स. ६१ अधिकृत क्याडेट पदमा उर्तीण हुनेहरुको नामावली सार्वजनिक

सि.स. ६१ अधिकृत क्याडेट पदमा उर्तीण हुनेहरुको नामावली सार्वजनिक ३ हप्ता पहिले | संसार न्यूज़

३ फागुन, काठमाडौं । नेपाली सेनाको भर्ना छनौट निर्देशनालय कार्यरथी…

त्रिभुवन विश्वविद्यालयको परीक्षा आवेदन फारम  सम्बन्धी सूचना

त्रिभुवन विश्वविद्यालयको परीक्षा आवेदन फारम सम्बन्धी सूचना ३ हप्ता पहिले | संसार न्यूज़

२ फागुन, काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुद्धारा…

इजरायलको भूमिमा अस्ताइन् एक नेपाली चेली

इजरायलको भूमिमा अस्ताइन् एक नेपाली चेली १ हप्ता पहिले | संसार न्यूज़

११ फागुन, इजरायल । इजरायलमा कार्यरत एक नेपाली चेलीको अकस्मात…

त्रिभुवन विश्वविद्यालयको परीक्षा तालिका संशोधन गरिएको सूचना

त्रिभुवन विश्वविद्यालयको परीक्षा तालिका संशोधन गरिएको सूचना २ हप्ता पहिले | संसार न्यूज़

६ फागुन, काठमाडौं । त्रिभुवन विश्वविद्यालय विज्ञान तथा प्रविधि अध्ययन…