११ फागुन, काठमाडौँ । रोड सेफ्टी वर्ल्ड सिरिजबाट अष्ट्रेलियन लेजेन्ड्सको टिमले आफ्नो नाम फिर्ता लिएको छ । भारतको रायपुरमा हुने भनिएको प्रतियोगितामा अष्ट्रेलिया लेजेन्ड्सले कोरोना भाइरसको महामारीको कारण देखाउदैँ आफ्नो नाम फिर्ता लिएको हो ।
अष्ट्रेलिया लेजेन्ड्सको स्थानमा बंग्लादेश लेजेन्ड्सले प्रतियोगितामा भाग लिने छ । त्यसैगरी प्रतियोगितामा नयाँ टिमका रुपमा इंल्याण्ड लेजेन्ड्सले प्रवेश गर्ने छ ।
२०२० मा भएको प्रतियोगितामा ४ खेल भएपछि कोरोना भाइरसको महामारीको कारणले गर्दा मार्च सम्मको लागि स्थिगित भएको थियो । त्यहीँ स्थगित भएको प्रतियोगिताको बाँकी खेलहरुले भारतको रायपुरमा हुने गईरहेको हो । रोड सेफ्टी वल्र्ड सिरिजको प्रतियोगिता मार्च २ बाट मार्च २१ सम्म हुनेछ ।
वि.सं.२०७७ फागुन ११ मंगलवार १०:०६ मा प्रकाशित
