फागुन १२, काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल समूहले स्थायी समिति बैठक बोलाएको छ । स्थायी समिति सदस्य गणेश शाहका अनुसार पछिल्लो घटनाक्रमबारे छलफल गर्न राजधानीमा उपलब्ध स्थायी समिति सदस्यहरुलाई पार्टी केन्द्रीय कार्यालय पेरिसडाँडा बोलाइएको हो ।
उनका अनुसार बैठक २ बजेदेखि बस्ने तय भएको छ । बैठक अनौपचारिक रुपमा बस्ने उनले बताए ।
बैठकमा सर्वोच्चको फैसला र आगामी रणनीतिबारे छलफल हुने सम्भावना छ । नेता शाहका अनुसार स्थायी समिति बैठक लगत्तै दिउसो ४ बजे पेरिसडाँडामै संसदीय दलको पनि बैठक बस्नेछ ।
गत पुस ५ मा प्रधानमन्त्री केपी शर्मा ओलीले गरेको संसद विघटनको निर्णयलाई मंगलबार सर्वोच्च अदालतले बदरको फैसला सुनाएको थियो ।
संसद विघटनको विरुद्व सडक संघर्षमा गएको प्रचण्ड–नेपाल नेतृत्वको नेकपाले संसद पुनस्र्थापना हुने निर्णय भएसँगै आगामी रणनीति बनाउन बैठक बोलाएको हो ।
वि.सं.२०७७ फागुन १२ बुधवार १३:५२ मा प्रकाशित