१४ फागुन, काठमाडौं । सुन नयाँ बनाइदिन्छु भनेर कानमा लगाएको सुन निकालेर दिँदा बेनी नगरपालिका ४ डाँडाखेतकी एक ७४ वर्षीया पुतली किसान ठगिएकी छन् ।
बेनी बजारको विद्युत् कार्यालयको गल्लीमा दुई अपरिचित युवाले नक्कली सुन देखाएर साटिदिने भनेपछि कानमा लगाएको आफ्नोे पुरानो रिङ फुकालेर दिएकी थिइन् पुतली किसानले । पहेलो धातुलाई सक्कली सुन भनेर मख्ख पर्दै घर पुगेकी किसान नक्कली सुन भएको थाहापाएपछि छाँगाबाट खसेजस्तै भएकी थिइन् ।
पीडित किसानले आइतबार उजुरी दिएपछि यस्तो कुरा बाहिर आएको हो । पछिल्लो समय सार्वजनिकस्थल र गल्लीमा नक्कली सुनका गहना देखाएर ठगी गर्ने क्रम बढ्दो रहेको छ । प्रहरीले नक्कली सुन देखाएर साटिदिने भन्ने कुनै पनि व्यक्तिका बारेमा तत्काल प्रहरीमा खबर गरिदिन र सार्वजनिक स्थलमा सुन साटिदिने भन्नेहरुको प्रतिवाद गर्न पनि सर्वसाधारणमा अनुरोध गरेको छ ।
वि.सं.२०७७ फागुन १४ शुक्रवार ०९:५८ मा प्रकाशित