Sansar News- Online for Global Nepali

कविता : उमेरका रङ्ग : समयका फिताहरुमा

द्वारिका छेत्री, खर्साङ्ग
२ महिना पहिले
कविता : उमेरका रङ्ग : समयका फिताहरुमा

समयको बल्छीमा परेका
एक झुत्ता उमेरका रङ्गी–बिरङ्गी माछाहरु
जिन्दगीको हातबाट चिप्लिए पछि
’फुत्केको माछा ठूलो’ लागेको मात्रै न हो !
नत्र, जिन्दगीका,
सुख दुःखकाका अनेकौं रङ्गले पोतिएका
साना÷ठूला हरेक पलहरु नै रङ्गिन छन् ।

अनुभवले पाकेका
टाउकोभरिका सेता कपालहरु..
छातीमा लडिबडी खेल्ने फुलाङ्गे बाल अनि
अनुहार भरि छरिएका छिर्केमिर्के रौंहरुमा
सधैंभरि टाँसेर राख्न चहानेहरुले
सुखको महोत्सवमा ’अशुभ’ घोषणा गरेका
कालो रङ्गको महत्व
उसैलाई थाहा छ
जसको आँखाको नानीको आधा भाग
पवित्र मानिने सेतो मोतीले छोपिए पछि
वरिपरिका रङ्गिन दृष्यहरु रङ्गहीन भएका छन् ।
तर !
बाहिरी संसारमात्रै बेरङ्ग होइदिँदा
के रगतभित्रको गाडा रातो उत्तेजना पनि
फिक्का भइदिन्छ होला र ?
यदि सक्दो हो
अनुहारमा खोपिएका उमेरका सा–साना नालाहरुले
रगतको उत्तेजना रोक्न,
तब ,रगत जामिएर गाडा रातो, नीलो,कालो होइन
फिक्का हुने थिए होलान
मृतकको आँखाका फुस्रो नानी सरह । ।
फिक्का त,
उमेरको सङ्लो झरनालाई पनि
रगत जत्तिकै गाडा रातो रङ्ग देख्ने
अतृप्त काकाकुलको
कहिल्यै तृप्त नहुने तिर्खामा बास बस्दो हो
जुन तिर्खाको नाप जोख
राख्न सक्दैन समयको चिप्लो फिताले ।

सर्बाधिक पढिएको

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह

एमाले नेता अर्यालद्वारा प्रधानमन्त्रीसँग स्पष्टीकरण माग, ३ दिनभित्र जवाफ दिन आग्रह ४ हप्ता पहिले | संसार न्यूज़

१० चैत, काठमाडौं । नेकपा (एमाले)का युवा नेता दामोदर अर्यालले…

कतारमा रहेका नेपालीहरुका लागि दूतावासले निकाल्यो यस्तो सूचना

कतारमा रहेका नेपालीहरुका लागि दूतावासले निकाल्यो यस्तो सूचना ४ हप्ता पहिले | संसार न्यूज़

१२ चैत्र, काठमाडौँ । कतारस्थित नेपाली दूतावासले कतारमा रहेका नेपालीहरुको जानकारीका…

माओवादीका प्रदेश प्रमुखले एमालेका मुख्यमन्त्रीलाई सघाएपछि…

माओवादीका प्रदेश प्रमुखले एमालेका मुख्यमन्त्रीलाई सघाएपछि… ५ दिन पहिले | संसार न्यूज़

वैशाख २, काठमाडौं । नेकपा (माओवादी केन्द्र) र राष्ट्रिय जनमोर्चाले…

त्रिभुवन विश्वविद्यालयको परीक्षा आवेदन भर्ने\भराउने सम्बन्धी सूचना

त्रिभुवन विश्वविद्यालयको परीक्षा आवेदन भर्ने\भराउने सम्बन्धी सूचना ४ हप्ता पहिले | संसार न्यूज़

८ चैत, काठमाडौं । त्रिभुवन विश्वविद्यालय परीक्षा नियन्त्रण कार्यालय बल्खुले…